സ്വച്ഛതാ ഫോട്ടോസ് ആന്‍ഡ് ഫിലിം കോമ്പറ്റീഷന്‍: പൊതുജനങ്ങള്‍ക്കും പങ്കാളികളാകാം

സ്വച്ഛ് ഭാരത് മിഷ(ഗ്രാമീണ്‍)ന്റെ ഭാഗമായി ഒ.ഡി.എഫ് പ്ലസ് മോഡല്‍ വില്ലേജില്‍ നിര്‍മിച്ച ആസ്തികള്‍ പ്രദര്‍ശിപ്പിക്കുന്നതിന് പൊതുജനങ്ങള്‍ക്കായി സ്വച്ഛതാ ഫോട്ടോസ് ക്യാമ്പയിന്‍ സംഘടിപ്പിക്കുന്നു. ക്യാമ്പയിന്റെ ഭാഗമായി 2023 ജൂണ്‍ 15 മുതല്‍ സെപ്റ്റംബര്‍ 15 വരെ ഒ.ഡി.എഫ് പ്ലസ് മോഡല്‍ വില്ലേജില്‍ സൃഷ്ടിച്ച ആസ്തികളുടെ ചിത്രങ്ങള്‍ MyGov.in എന്ന ലിങ്കില്‍ പങ്കുവക്കാം. സ്വച്ഛ് ഭാരത് മിഷന്‍ (ഗ്രാമീണ്‍) ഘടകത്തില്‍ സ്ഥാപിച്ച ആസ്തികളായ സോക്ക്പിറ്റ്, ബയോഗ്യാസ് പ്ലാന്റ്, ശുചിമുറി, ഗോബര്‍ദ്ധന്‍, എം.സി.എഫ്, ആര്‍.ആര്‍.എഫ്, തുമ്പൂര്‍മുഴി എന്നിവയുടെ ചിത്രങ്ങളാണ് പോര്‍ട്ടലില്‍ പങ്കുവക്കേണ്ടത്. ജനുവരി 26 വരെ പൊതുജനങ്ങള്‍ക്ക് ക്യാമ്പയിനില്‍ പങ്കെടുക്കാം. ഫോട്ടോസ് ക്യാമ്പയിന്‍ കൂടാതെ 2023 ജൂണ്‍ ഒന്ന് മുതല്‍ ഓഗസ്റ്റ് 15 വരെ ഒ.ഡി.എഫ് പ്ലസ് മോഡല്‍ വില്ലേജില്‍ സൃഷ്ടിച്ച ആസ്തികള്‍ പ്രദര്‍ശിപ്പിക്കുന്ന നാഷണല്‍ ലെവല്‍ ഫിലിം കോമ്പറ്റീഷനും സംഘടിപ്പിക്കുന്നുണ്ട്.