കണ്ണൂര്‍ അറിയിപ്പുകള്‍ 04-01-2023

 ജില്ലാ പഞ്ചായത്ത് ഗ്രാമസഭ അഞ്ചിന്

ജില്ലാ പഞ്ചായത്ത് ഗ്രാമസഭ ജനുവരി അഞ്ചിന് രാവിലെ 10.30ന് ജില്ലാ പഞ്ചായത്ത് പ്രസിഡണ്ട് പി പി ദിവ്യ ഉദ്ഘാടനം ചെയ്യും. ജില്ലാ പഞ്ചായത്ത് ഹാളില്‍ നടക്കുന്ന ചടങ്ങില്‍ വൈസ് പ്രസിഡണ്ട് അഡ്വ. ബിനോയ് കുര്യന്‍ അധ്യക്ഷത വഹിക്കും.

അധ്യാപക നിയമനം

കണ്ണൂര്‍ ഗവ. ടൗണ്‍ ഹയര്‍സെക്കണ്ടറി സ്‌കൂളില്‍ എച്ച് എസ് ടി ഹിന്ദി തസ്തികയില്‍ താല്‍കാലിക അധ്യാപക നിയമനം നടത്തുന്നു. യോഗ്യരായവര്‍ ജനുവരി എട്ടിന് രാവിലെ 10 മണിക്ക് സ്‌കൂളില്‍ കൂടിക്കാഴ്ചക്ക് അസ്സല്‍ സര്‍ട്ടിഫിക്കറ്റുമായി എത്തിച്ചേരണം. ഫോണ്‍: 9496431428, 04972765764.
 

ഗതാഗതം നിരോധിച്ചു

മലയോര ഹൈവേ വള്ളിത്തോട്-അമ്പായത്തോട് റോഡ് പ്രവൃത്തി നടക്കുന്നതിനാല്‍ ഇതു വഴിയുള്ള വാഹനഗതാഗതം ജനുവരി ആറ് മുതല്‍ നിരോധിച്ചതായി കെ ആര്‍ എഫ് ബി കണ്ണൂര്‍ ഡിവിഷന്‍ അസിസ്റ്റന്റ് എക്സിക്യൂട്ടീവ് എഞ്ചിനീയര്‍ അറിയിച്ചു. മണത്തണ നിന്നും ആറളം ഭാഗത്തേക്കും തിരിച്ചുമുള്ള ഭാരമേറിയ വാഹനങ്ങള്‍ പാലപ്പുഴ-കാക്കയങ്ങാട്, എടത്തൊട്ടി വഴി പോകേണ്ടതാണെന്നും അറിയിച്ചു.

തൊഴിലധിഷ്ഠിത കോഴ്‌സുകള്‍: അപേക്ഷ ക്ഷണിച്ചു

കണ്ണൂര്‍ ഗവ. വനിതാ ഐ ടി ഐയില്‍ ഐ എം സി നടത്തുന്ന തൊഴിലധിഷ്ഠിത കോഴ്‌സുകളിലേക്ക് അപേക്ഷ ക്ഷണിച്ചു. സര്‍ട്ടിഫിക്കറ്റ് കോഴ്‌സ് ഇന്‍ ടാലി, ഡിപ്ലോമ ഇന്‍ ഇന്ത്യന്‍ ആന്റ് ഫോറിന്‍ അക്കൗണ്ടിംഗ്, ഡിപ്ലോമ ഇന്‍ മൊബൈല്‍ ഫോണ്‍ ടെക്‌നോളജി, സര്‍ട്ടിഫിക്കറ്റ് കോഴ്‌സ് ഇന്‍ സിസിടിവി, എം എസ് എക്‌സല്‍, എംഎസ് ഓഫീസ്, ടോട്ടല്‍ സ്റ്റേഷന്‍, ഡിപ്ലോമ ഇന്‍ ഡിജിറ്റല്‍ ലാന്‍ഡ് സര്‍വേ ടെക്‌നോളജി എന്നീ കോഴ്‌സുകളിലാണ് പ്രവേശനം. ഫോണ്‍: 9745479354, 0497 2835987.

ലേലം

കൂടാളി ഗ്രാമപഞ്ചായത്തില്‍ ജില്ലാ പഞ്ചായത്തിന്റെ അധീനതയിലുള്ള മഴ മരം, മഞ്ഞക്കൊന്ന എന്നീ മരങ്ങള്‍ മുറിച്ചുമാറ്റുന്നതിനുള്ള ലേലം ജനുവരി എട്ടിന് രാവിലെ 11.30ന് കൂടാളി ഗ്രാമപഞ്ചായത്ത് ഏഴാം വാര്‍ഡിലെ നെല്ലിക്കുറ്റി റേഷന്‍ കടക്ക് സമീപം നടക്കും.

വൈദ്യുതി മുടങ്ങും

വേങ്ങാട് ഇലക്ട്രിക്കല്‍ സെക്ഷനിലെ അയ്യപ്പന്‍തോട് ട്രാന്‍സ്‌ഫോര്‍മര്‍ പരിധിയില്‍ ജനുവരി അഞ്ച് വെള്ളിയാഴ്ച രാവിലെ 8.30 മുതല്‍ വൈകിട്ട് അഞ്ച് മണി വരെയും കിണര്‍ ട്രാന്‍സ്‌ഫോര്‍മര്‍ പരിധിയില്‍ ഉച്ചക്ക് 12 മണി മുതല്‍ 2.30 വരെയും വൈദ്യുതി മുടങ്ങും.