മൈക്രോ സംരംഭ കൺസൾട്ടന്റുമാരെ തെരഞ്ഞെടുക്കുന്നു

കുടുംബശ്രീ ജില്ലാമിഷന് കീഴിൽ സംരംഭമേഖലയിലെ പ്രശ്‌നങ്ങൾ കൂടുതൽ ഊർജ്ജസ്വലമാക്കുന്നതിനു മൈക്രോ സംരംഭ കൺസൾട്ടന്റുമാരെ (എം.ഇ.സി) തെരഞ്ഞെടുക്കുന്നു. വേങ്ങര, താനൂർ, തിരൂർ, തിരൂരങ്ങാടി, കൊണ്ടോട്ടി ബ്ലോക്കിലെ പഞ്ചായത്തിലും മുനിസിപ്പാലിറ്റിയിലുമായിട്ടാണ് ഒഴിവുകൾ.  തിരൂർ ബ്ലോക്കിൽ -2, താനൂർ ബ്ലോക്കിൽ-8, വേങ്ങര ബ്ലോക്കിൽ -8, കൊണ്ടോട്ടി ബ്ലോക്കിൽ-3, തിരൂരങ്ങാടി ബ്ലോക്കിൽ-3 എന്നിങ്ങനെയാണ് ഒഴിവുകൾ. കുടുംബശ്രീ അംഗമോ, ഓക്‌സിലറി ഗ്രൂപ്പ് അംഗമോ ആയ ബിരുദം വിദ്യാഭ്യാസ യോഗ്യതയും അടിസ്ഥാന കംമ്പ്യൂട്ടർ പരിജ്ഞാനവുമുള്ള 22നും 40 നും മധ്യേ പ്രായമുള്ളവർക്ക് അപേക്ഷിക്കാം. ഉദ്യോഗാഥികൾ ബയോഡാറ്റയും വയസ്സും വിദ്യാഭ്യാസ യോഗ്യതയും തെളിയിക്കുന്ന സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പ് സഹിതം അപേക്ഷ പരിധിയിലുള്ള ഗ്രാമപഞ്ചായത്തുകളിലെ/നഗരസഭയിലെ കുടുംബശ്രീ സി.ഡി.എസ് ഓഫീസിൽ ജനുവരി 12ന് വൈകീട്ട് അഞ്ചിനകം ലഭ്യമാക്കണം.