ബാസ്‌ക്കറ്റ് ബോൾ സെലക്ഷൻ ട്രയൽസ്

കോട്ടയം :ചെന്നൈയിൽ നടക്കുന്ന ഖേലോ ഇന്ത്യ യൂത്ത് ഗെയിംസിൽ പങ്കെടുക്കാനുള്ള  18 വയസിൽ താഴെയുള്ള (2005 ജനുവരി ഒന്നിനോ അതിനുശേഷമോ ജനിച്ചവർ) പെൺകുട്ടികളുടെ കേരള ബാസ്‌ക്കറ്റ് ബോൾ ടീമിലേക്കുള്ള സെലക്ഷൻ ട്രയൽസ് ജനുവരി 13 ന് രാവിലെ ഒമ്പതുമണിക്ക്  ഇരിങ്ങാലക്കുട സെന്റ് ജോസഫ് കോളജ് ബാസ്‌ക്കറ്റ് ബോൾ കോർട്ടിൽ വെച്ചു നടത്തുന്നു. പങ്കെടുക്കാൻ ആഗ്രഹിക്കുന്നവർ ആധാർ, ജനനസർട്ടിഫിക്കറ്റ്, സ്‌കൂൾ /കോളേജ് ബോണഫൈഡ് സർട്ടിഫിക്കറ്റ്,  പ്രസ്തുത കായിക ഇനത്തിലെ മികവ് തെളിയിക്കുന്ന സർട്ടിഫിക്കറ്റുകൾ, വിദ്യാഭ്യാസ യോഗ്യതാ സർട്ടിഫിക്കറ്റ്, മൂന്നു പാസ്പോർട്ട് സൈസ് ഫോട്ടോ എന്നിവ സഹിതം ഹാജരാകേണ്ടതാണ്.