സൗജന്യ പി എസ് സി മത്സര പരീക്ഷാ പരിശീലനമാരംഭിച്ചു

കണ്ണൂർ യൂണിവേഴ്സിറ്റി എംപ്ലോയ്മെന്റ് ബ്യൂറോയുടെ നേതൃത്വത്തിൽ 36 ദിവസത്തെ  സൗജന്യ പി എസ് സി മത്സര പരീക്ഷ പരിശീലനമാരംഭിച്ചു.
നാഷണൽ എംപ്ലോയ്മെന്റ് സർവീസ് വകുപ്പിന്റെ വൊക്കേഷണൽ ഗൈഡൻസ് ശാക്തീകരണത്തിന്റെ ഭാഗമായാണ് പരിശീലനം. പയ്യന്നൂർ താലൂക്ക് ലൈബ്രറി ഹാളിൽ  നഗരസഭ ചെയർപേഴ്സൺ കെ വി ലളിത ഉദ്ഘാടനം ചെയ്തു. കണ്ണൂർ യൂണിവേഴ്സിറ്റി എംപ്ലോയ്മെന്റ് ബ്യൂറോ ചീഫ് കെ പി അനീഷ് കുമാർ അധ്യക്ഷത വഹിച്ചു. പയ്യന്നൂർ നഗരസഭാ കൗൺസിലർ മണിയറ ചന്ദ്രൻ, പയ്യന്നൂർ താലൂക്ക് ലൈബ്രറി കൗൺസിൽ പ്രസിഡണ്ട് ദാമോദരൻ മാസ്റ്റർ, കണ്ണൂർ യൂണിവേഴ്സിറ്റി എംപ്ലോയ്മെന്റ് ബ്യൂറോ ഡെപ്യൂട്ടി ചീഫ് പി കൃഷ്ണരാജ്, പയ്യന്നൂർ എംപ്ലോയ്മെന്റ് ബ്യൂറോ ജൂനിയർ എംപ്ലോയ്മെന്റ് ഓഫീസർ കെ എം ദീപ്തി, ബാബു ആലംതെറ്റിൽ എന്നിവർ സംസാരിച്ചു.