Post Category
എരഞ്ഞോളി പുഴയോര സൗന്ദര്യവല്ക്കരണ പദ്ധതി ഉദ്ഘാടനം 26ന്
എരഞ്ഞോളി പുഴയോര സൗന്ദര്യവല്ക്കരണ പദ്ധതി ഉദ്ഘാടനം ജനുവരി 26ന് വൈകിട്ട് ആറ് മണിക്ക് പൊതുമരാമത്ത്, ടൂറിസം വകുപ്പ് മന്ത്രി പി എ മുഹമ്മദ് റിയാസ് നിര്വഹിക്കും. എരഞ്ഞോളി പാലത്തിന് സമീപം നടക്കുന്ന ചടങ്ങില് നിയമസഭാ സ്പീക്കര് എ എന് ഷംസീര് അധ്യക്ഷത വഹിക്കും. എരഞ്ഞോളി ഗ്രാമപഞ്ചായത്ത് പ്രസിഡണ്ട് എം പി ശ്രീഷ, ജില്ലാ കലക്ടര് അരുണ് കെ വിജയന് തുടങ്ങിയവര് പങ്കെടുക്കും. 99.90 ലക്ഷം രൂപയുടെ പ്രവൃത്തികളാണ് പദ്ധതിയുടെ ഭാഗമായി നടപ്പാക്കിയത്. നടപ്പാത, ഇരിപ്പിടങ്ങള്, കഫ്റ്റീരിയ, അലങ്കാര വിളക്കുകള് എന്നിവയാണ് ഒരുക്കിയത്. ഉദ്ഘാടന ശേഷം മയ്യിൽ കാവിന്മൂല നന്തൂടി കലാസംഘത്തിന്റെ കാവേറ്റം നാടൻപാട്ട് അരങ്ങേറും.
date
- Log in to post comments