കണ്ണൂര് അറിയിപ്പുകള് 16-03-2024
കൃഷിനാശം; ആനുകൂല്യം ലഭിക്കാത്തവര് വിവരം നല്കണം
പ്രകൃതിക്ഷോഭത്തില് വിളനാശമുണ്ടായി ആനുകൂല്യത്തിന് കൃഷിഭവനുകളില് അപേക്ഷ സമര്പ്പിച്ചെങ്കിലും ബാങ്ക് അക്കൗണ്ടുകളില് തുക ക്രെഡിറ്റ് ചെയ്യാന് സാധിക്കുന്നില്ലെന്ന സന്ദേശം ട്രഷറിയില് നിന്ന് ലഭിച്ചവര് അഞ്ച് ദിവസത്തിനകം കൃഷി ഭവനുകളില് കൃത്യമായ ബാങ്ക് അക്കൗണ്ട് വിവരങ്ങള് നല്കണമെന്ന് പ്രിന്സിപ്പല് കൃഷി ഓഫീസര് അറിയിച്ചു. ഇനി സന്ദേശം ലഭിക്കുന്നവര് അതത് ദിവസങ്ങളില് തന്നെ വിവരം നല്കണം. പാസ് ബുക്കിന്റെ പകര്പ്പും സമര്പ്പിക്കണം.
ഡിപ്ലോമ കോഴ്സുകള്
കെല്ട്രോണിന്റെ ഡിപ്ലോമ, പ്രൊഫഷണല് ഡിപ്ലോമ കോഴ്സുകളിലേക്ക് എസ് എസ് എല് സി യോഗ്യതയുള്ളവര്ക്ക് അപേക്ഷിക്കാം. ഫോണ്: 9400096100, 04902321888.
കെല്ട്രോണില് കമ്പ്യൂട്ടര് കോഴ്സുകള്
കെല്ട്രോണിന്റെ തളിപ്പറമ്പ് നോളജ് സെന്ററില് വിവിധ കമ്പ്യൂട്ടര് കോഴ്സുകള്ക്ക് അപേക്ഷ ക്ഷണിച്ചു. ഡിപ്ലോമ കോഴ്സുകളായ പ്രൊഫഷണല് ഡിപ്ലോമ ഇന് ഗ്രാഫിക്സ് ആന്റ് ഡിജിറ്റല്ഫിലിം മേക്കിങ് ടെക്നിക്സ്, ഡിപ്ലോമ ഇന് കമ്പ്യൂട്ടര് ആപ്ലിക്കേഷന്സ്, പ്രൊഫഷണല് ഡിപ്ലോമ ഇന് ലോജിസ്റ്റിക്സ് ആന്റ് സപ്ലൈ ചെയിന് മാനേജ്മെന്റ്, ഡിപ്ലോമ ഇന് കമ്പ്യൂട്ടര് ഹാര്ഡ്വെയര് ആന്റ് നെറ്റ്വര്ക്ക് മെയിന്റനന്സ് വിത്ത് ഇ ഗാഡ്ജറ്റ് ടെക്നോളജി, പ്രൊഫഷണല് ഡിപ്ലോമ ഇന് ഫയര് ആന്റ് സേഫ്റ്റി സര്ട്ടിഫിക്കറ്റ് കോഴ്സുകളായ വേഡ് പ്രൊസസിങ് ആന്റ് ഡാറ്റാ എന്ട്രി, ഓഫീസ് ഓട്ടോമേഷന്, അഡ്വാന്സ്ഡ് ഗ്രാഫിക് ഡിസൈന് എന്നിവയിലേക്കാണ് അപേക്ഷ ക്ഷണിച്ചത്. താല്പര്യമുള്ളവര് നോളജ് സെന്ററുമായി ബന്ധപ്പെടുക. ഫോണ്: 0460 2205474.
ഫിറ്റ്നസ് പരിശോധന സമയത്തില് മാറ്റം
കണ്ണൂര് തോട്ടടയില് നടത്തുന്ന വാഹനങ്ങളുടെ ഫിറ്റ്നസ് പരിശോധനാ സമയം കടുത്ത ചൂട് കാരണം മാറ്റിയതായി റീജ്യണല് ട്രാന്സ്പോര്ട്ട് ഓഫീസര് ഒ പ്രമോദ്കുമാര് അറിയിച്ചു.
മാര്ച്ച് 18 മുതല് ഫിറ്റ്നസ് പരിശോധനക്ക് വരുന്ന വാഹനങ്ങളുടെ വിവരം രാവിലെ എട്ട് മുതല് രജിസ്റ്ററില് രേഖപ്പെടുത്തി പരിശോധന തുടങ്ങും. 10 മണിക്ക് ശേഷം രജിസ്റ്ററില് ചേര്ക്കുന്ന വാഹനങ്ങള് അന്നേദിവസം പരിശോധിക്കില്ലെന്നും ആര് ടി ഒ അറിയിച്ചു.
- Log in to post comments