പോളിംഗ് ഉദ്യോഗസ്ഥരുടെ നിയമനം: 'ഓർഡർ' സൈറ്റിൽ രജിസ്റ്റർ ചെയ്യണം

2024 ലോക്സഭാ തെരഞ്ഞെടുപ്പിലേയ്ക്കായി പോളിംഗ്ഉദ്യോഗസ്ഥരുടെ നിയമനം ORDER എന്ന സോഫ്റ്റ് വെയർ മുഖേനയാണ് ചെയ്യുന്നത്. എല്ലാ കേന്ദ്ര- സംസ്ഥാന സർക്കാർ അർദ്ധ സർക്കാർ സ്ഥാപനങ്ങളും കേന്ദ്ര സംസ്ഥാന പൊതുമേഖല സ്ഥാപനങ്ങളും order.ceo.kerala.gov.in എന്ന സൈറ്റ് മുഖേന 2024 മാർച്ച് 20ന് ORDER സോഫ്റ്റ് വെയറിൽ രജിസ്റ്റർ ചെയ്യേണ്ടതും രജിസ്ട്രേഷൻ അംഗീകരിച്ചാലുടൻ തന്നെ തങ്ങളുടെ ഓഫീസിലെ ജീവനക്കാരുടെ വിവരങ്ങൾ സൈറ്റിൽ അപ് ലോഡ് ചെയ്യേണ്ടതുമാണ്. മാർച്ച് 23നകം ജീവനക്കാരുടെ വിവരങ്ങൾ സൈറ്റിൽ അപ് ലോഡ് ചെയ്യുന്നു എന്ന് സ്ഥാപനമേധാവികൾ ഉറപ്പാക്കേണ്ടതാണ്. ബന്ധപ്പെട്ട തദ്ദേശ സ്വയംഭരണ സ്ഥാപനങ്ങൾ തങ്ങളുടെ പരിധിയിലുള്ള എല്ലാ സ്ഥാപനങ്ങളിലെയും ജീവനക്കാരുടെ വിവരങ്ങൾ മാർച്ച് 25 ന് കളക്ടറേറ്റിൽ ലഭ്യമാക്കേണ്ടതാണ്. ഈ വിഷയത്തിൽ വീഴ്ച വരുത്തുന്ന സ്ഥാപന മേധാവികൾക്കെതിരെ കർശന നടപടി സ്വീകരിക്കുന്നതായിരിക്കും എന്ന് ജില്ലാ കളക്ടർ അറിയിച്ചു.