Post Category
കത്തിടപ്പാടുകളില്‍ പൊതുജനങ്ങള്‍ക്ക് മലയാളത്തില്‍ മറുപടി നല്‍കണം
സര്‍ക്കാര്‍ ഓഫീസുകളില്‍ നിന്നും പൊതുജനങ്ങള്‍ക്ക് നല്‍കുന്ന മറുപടികള്‍ മലയാളത്തില്‍ തന്നെയാണ് ലഭ്യമാക്കുന്നതെന്ന് ഉറപ്പാക്കണമെന്ന് എ.ഡി.എം കെ. ദേവകി പറഞ്ഞു. കളക്ടറേറ്റ് മിനി കോണ്‍ഫറന്‍സ് ഹാളില്‍ നടന്ന ഔദ്യോഗികഭാഷ ജില്ലാതല ഏകോപന സമിതി യോഗത്തില്‍ സംസാരിക്കുകയായിരുന്നു എ.ഡി.എം. വകുപ്പുതല ജില്ലാ ഓഫീസുകളിലെ ബോര്‍ഡുകള്‍ മലയാളത്തിലാക്കണം. ഫയലുകള്‍, ഓഫീസ് ബോര്‍ഡ്, ഔദ്യോഗിക വാഹന ബോര്‍ഡ്, ഔദ്യോഗിക സീല്‍, വെബ്സൈറ്റ്, അപേക്ഷാഫോം എന്നിവ മലയാളത്തിലാണെന്ന് ഉറപ്പാക്കണം. യോഗത്തില്‍ വിവിധ വകുപ്പുകളുടെ ഭാഷാ പുരോഗതി റിപ്പോര്‍ട്ട് അവതരിപ്പിച്ചു. കളക്ടറേറ്റ് മിനി കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ വകുപ്പ് മേധാവികള്‍, ഉദ്യോഗസ്ഥര്‍ എന്നിവര്‍ പങ്കെടുത്തു.
date
- Log in to post comments