ഫോട്ടോ പ്രദർശനം

വന്യജീവി വാരാഘോഷത്തിന്റെ ഭാഗമായി മലപ്പുറം സാമൂഹ്യ വനവൽക്കരണ വിഭാഗം ലളിതകല അക്കാദമി യുമായി ചേർന്ന് ഒക്ടോബർ അഞ്ച്  മുതൽ എട്ട് വരെ മലപ്പുറം കോട്ടക്കുന്നിലുള്ള ആർട്ട് ഗ്യാലറിയിൽ  ഫോട്ടോ പ്രദർശനം നടത്തുന്നു. മലപ്പുറം ജില്ലയിലെ വന്യജീവി ഫോട്ടോഗ്രാഫർമാരുടെ ഫോട്ടോകളാണ് പ്രദർശനത്തിന് ഒരുക്കുന്നത്. പശ്ചിമഘട്ടവും വന്യജീവികളും, കാടിനു പുറത്തെ കാട്ടറിവുകൾ എന്നീ വിഷയങ്ങളിലാണ് ഫോട്ടോ പ്രദർശനം. ഒക്ടോബർ അഞ്ചിന് രാവിലെ 10.30 ന് ജില്ലാ പഞ്ചായത്ത് പ്രസിഡണ്ട് എം.കെ റഫീഖ ഫോട്ടോ പ്രദർശനം ഉദ്ഘാടനം ചെയ്യും.