പട്ടികജാതി പട്ടികവർഗ്ഗക്കാർക്ക് സൗജന്യ പ്ലേസ്മെന്റ് ഡ്രൈവ്

കേന്ദ്ര തൊഴിൽ ഉദ്യോഗ മന്ത്രാലയത്തിന്റെ കീഴിൽ പ്രവർത്തിക്കുന്ന ദേശീയ തൊഴിൽ സേവന കേന്ദ്രം തിരുവനന്തപുരത്തുള്ള ഒരു സ്വകാര്യ സ്ഥാപനവുമായി സംയോജിച്ച് പട്ടികജാതി പട്ടികവർഗത്തിൽപ്പെട്ട യുവതീയുവാക്കൾക്ക് വേണ്ടി ഒക്ടോബർ 15 ന് സൗജന്യ പ്ലേസ്മെന്റ് ഡ്രൈവ് സംഘടിപ്പിക്കുന്നു. താൽപര്യമുള്ള ഉദ്യോഗാർഥികൾ ഒക്ടോബർ 14 ന് ഉച്ചയ്ക്ക് ഒരു മണിക്ക് മുൻപായി https://forms.gle/HNdEeQxAZkwXQuxN9  ഗൂഗിൽ ലിങ്കിൽ രജിസ്റ്റർ ചെയ്യണം. ലിങ്കിൽ രജിസ്റ്റർ ചെയ്തിട്ടുള്ള ഉദ്യോഗാർഥികൾ ബയോഡാറ്റയും അവരവരുടെ വിദ്യാഭ്യാസയോഗ്യത, ജാതി, വയസ് എന്നിവ തെളിയിക്കുന്ന സർട്ടിഫിക്കറ്റുകളുടെ പകർപ്പുകളും സഹിതം 15ന് രാവിലെ 10 മണിക്ക് ദേശീയ തൊഴിൽ സേവന കേന്ദ്രത്തിൽ ഇന്റർവ്യൂവിന് നേരിട്ട് ഹാജരാകണം. ഒഴിവ് സംബന്ധിച്ച വിവരങ്ങൾക്ക് സ്ഥാപനത്തിന്റെ ഫേസ്ബുക്ക് പേജ് സന്ദർശിക്കുക. വിശദവിവരങ്ങൾക്ക് ഫോൺ: 0471-2332113, 8304009409.

പി.എൻ.എക്‌സ്. 4415/2024