ബോധവത്കരണം നടത്തി

കുടുംബശ്രീ ജില്ലാമിഷന് കീഴിൽ പ്രവർത്തിക്കുന്ന ആറളം പട്ടികവർഗ പ്രത്യേക പദ്ധതിയുടെ ഭാഗമായി ആറളം ഫാമിലെ ഷീ ക്ലബ്ബ്  അംഗങ്ങളായ 13 നും 25 നും  ഇടയിൽ പ്രായമുള്ള പെൺകുട്ടികൾക്കായി  ബ്ലോക്ക് 9 കാളിക്കയത്ത്  എഫ് എൻ എച്ച് ഡബ്ലിയു ബോധവത്കരണ പരിപാടി സംഘടിപ്പിച്ചു.
ഭക്ഷണം, പോഷകം, ആരോഗ്യം, ശുചിത്വം എന്നീ വിഷയങ്ങളെ ആസ്പദമാക്കിയുള്ള പരിശീലനങ്ങളും ബോധവത്കരണവുമാണ്  പദ്ധതി പ്രകാരം നടപ്പിലിക്കുന്നത്. ഇതിൻ്റെ ഭാഗമായി ഫാമിനുള്ളിലെ 6 ബ്ലോക്കുകളിൽ തുടർച്ചയായ പരിശീലന പരിപാടികൾ സംഘടിപ്പിക്കും .
 വാർഡ് മെമ്പർ മിനി ദിനേശൻ ഉദ്ഘാടനം ചെയ്തു. ബ്ലോക്ക് 9  എ ഡി എസ്  ചെയർപേഴ്സൺ സി സിന്ധു അധ്യക്ഷയായി.
 കുടുംബശ്രീ  ജില്ലാ മിഷൻ കോ- ഓർഡിനേറ്റർ എം വി ജയൻ മുഖാതിഥിയായി.  ആറളം സി ഡി എസ് കമ്മ്യൂണിറ്റി  കൗൺസിലർ വി വി ശ്രുതി  പദ്ധതി വിശദീകരണം നടത്തി. ആർ പി മാരായ സുശീല സാലി, വത്സമ്മ സോബി എന്നിവർ  പരിശീലനം നയിച്ചു. എ ഡി എസ് സെക്രട്ടറി ഷൈനി ചന്ദ്രൻ , എസ് ടി പ്രമോട്ടർ എം കെ മഞ്ജു എന്നിവർ സംസാരിച്ചു.
ആറളം പട്ടികവർഗ പ്രത്യേക പദ്ധതി കോഓർഡിനേറ്റർ പി സനൂപ് സ്വാഗതവും അനിമേറ്റർ പി ആർ മിനി നന്ദിയും പറഞ്ഞു. പെൺകുട്ടികളും രക്ഷിതാക്കളുമുൾപ്പെടെ 70 ഓളം പേർ പങ്കെടുത്തു