മരണാനന്തര ധനസഹായം വിതരണം ചെയ്തു

കേരള മോട്ടോർ തൊഴിലാളി ക്ഷേമനിധി പദ്ധതിയിൽ അംഗമായിരുന്ന കൂടത്തിൽ വീട്ടിൽ വിനോദനുള്ള മരണാനന്തര ധനസഹായ തുക ഒരു ലക്ഷം രൂപയും ശവസംസ്‌കാര ചടങ്ങിനുള്ള 10,000 രൂപയും റീഫണ്ട് ഇനത്തിൽ 6750 രൂപയും കണ്ണൂർ ജില്ലാ എക്‌സിക്യൂട്ടീവ് ഓഫീസർ പി.എം അബ്ദുൾ ഹക്കീം വീട്ടിലെത്തി കുടുംബത്തിന് കൈമാറി. ക്ഷേമനിധി സീനിയർ ക്ലാർക്ക് ടി. പ്രസീത, കേരള ഓട്ടോ യൂണിയൻ സംസ്ഥാന കമ്മിറ്റി അംഗം മാണിക്കോത്ത് രവീന്ദ്രൻ, വാർഡ് വികസന സമിതി കൺവീനർ പി.പി പ്രകാശൻ എന്നിവർ പങ്കെടുത്തു.