കളിക്കളം മീഡിയ സെൻ്റർ, കാര്യവട്ടം : കളിക്കളത്തിന് ഇന്ന് (ഒക്ടോബർ 30) കൊടിയിറങ്ങും

പട്ടികവര്‍ഗ വികസന വകുപ്പിനു കീഴിലുള്ള മോഡല്‍ റെസിഡന്‍ഷ്യല്‍ സ്‌കൂളുകളിലെയും ഹോസ്റ്റലുകളിലെയും വിദ്യാര്‍ത്ഥികളുടെ ഏഴാമത് സംസ്ഥാന തല കായിക മേള കളിക്കളം 2024 ന് ഇന്ന് (ഒക്ടോബർ 30) സമാപനം. വൈകുന്നേരം 2.30 ന്  കാര്യവട്ടം എല്‍ എന്‍ സി പി ഇ ഗ്രൗണ്ടില്‍  നടക്കുന്ന സമ്മാനദാനവും സമാപന സമ്മേളനത്തിന്റെ ഉദ്ഘാടനവും പൊതുവിദ്യാഭാസ വകുപ്പു മന്ത്രി വി ശിവൻകുട്ടി നിർവഹിക്കും. പട്ടിക ജാതി, പട്ടികവർഗ പിന്നാക്കക്ഷേമ വകുപ്പു മന്ത്രി ഒ ആർ കേളുവിന്റെ അധ്യക്ഷതയിൽ ചേരുന്ന യോഗത്തിൽ കായിക വകുപ്പ് മന്ത്രി വി അബ്ദുറഹ്മാൻ കളിക്കളം 2024 ന്റെ സ്മരണിക പ്രകാശനം ചെയ്യും.

തിരുവനന്തപുരം ജില്ലാ കളക്ടർ അനുകുമാരി, പട്ടികവർഗ വകുപ്പ് ഡയറക്ടർ ഡോ. രേണു രാജ് കായിക യുവജന ക്ഷേമ വകുപ്പ് ഡയറക്ടർ വിഷ്ണു രാജ് പി, കാര്യവട്ടം  എൽ എൻ സി പി ഇ പ്രിൻസിപ്പൽ ജി കിഷോർ, കാര്യവട്ടം എൽ എൻ സി പി ഇ ഡയറക്ടർ ദണ്ഡപാണി, പട്ടിക വർഗ വികസന വകുപ് ജോയിന്റ് ഡയറക്ടർ ശ്രീരേഖ കെ എസ്, വകുപ്പ് ഉദ്യോഗസ്ഥർ തുടങ്ങിയവരും പങ്കെടുക്കും.