ഇൻക്ലൂസീവ് ഹാൻഡ്ബോൾ മത്സരവേദി സന്ദർശിച്ച് മന്ത്രി വി. ശിവൻകുട്ടി

കേരള സ്കൂൾ കായിക മേള, നവംബർ 5
ജില്ലാ ഇൻഫർമേഷൻ ഓഫീസ്, എറണാകുളം

ഇൻക്ലൂസീവ് ഹാൻഡ്ബോൾ മത്സരവേദി സന്ദർശിച്ച് മന്ത്രി വി. ശിവൻകുട്ടി

സംസ്ഥാന സ്കൂൾ കായികമേളയിൽ  സവിശേഷ പരിഗണന അർഹിക്കുന്ന കുട്ടികളുടെ  ഹാൻഡ് ബോൾ(ഇൻക്ലൂസീവ്)മത്സരവേദി  സന്ദർശിച്ച് വിദ്യാഭ്യാസ വകുപ്പ്  മന്ത്രി വി. ശിവൻ കുട്ടി. തേവര എസ്. എച്ച് ഹയർസെക്കന്ററി സ്കൂളിലെ മത്സര വേദിയിലെത്തിയ മന്ത്രി സംഘാടകരുമായി സംസാരിച്ച് സൗകര്യങ്ങളും സജ്ജീകരണങ്ങളും വിലയിരുത്തി.

മത്സരങ്ങൾ വീക്ഷിച്ച് കുട്ടികൾക്ക് വിജയാശംസകൾ നൽകിയാണ് മന്ത്രി മടങ്ങിയത്.

സംസ്ഥാന കായികമേളയിൽ ആദ്യമായാണ് സവിശേഷ പരിഗണന അർഹിക്കുന്ന കുട്ടികളുടെ വിഭാഗം ഹാൻഡ് ബോൾ മത്സരം. 14 വയസ്സിന്  മുകളിലുള്ള  വിഭാഗത്തിൽ 14 ടീമുകളും 14 വയസ്സിന് താഴെയുള്ള വിഭാഗത്തിൽ 12 ടീമുകളും  മത്സരത്തിൽ പങ്കെടുത്തു.