സംസ്ഥാനസ്‌കൂള്‍ കായികമേള:  മുന്നേറ്റം തുടര്‍ന്ന് തിരുവനന്തപുരം; ഇന്ന് എട്ട് റെക്കോഡുകള്‍

സംസ്ഥാന സ്‌കൂള്‍ കായികമേളയുടെ രണ്ടാം ദിനത്തില്‍ പിറന്നത് എട്ട് റെക്കോഡുകള്‍. കോതമംഗലം എംഎ കോളേജില്‍ നടക്കുന്ന നീന്തല്‍ മത്സരങ്ങളിലാണ് എല്ലാ റെക്കോഡുകളും. ഗെയിംസ്, അക്വാട്ടിക് മത്സരങ്ങളില്‍ തിരുവനന്തപുരം ജില്ല മേധാവിത്വം തുടരുകയാണ്. ബുധനാഴ്ച അത്ലറ്റിക്സ് മത്സരങ്ങള്‍ക്ക് തുടക്കമാകുന്നതോടെ കൊച്ചിയിലെ കായികപ്പൂരത്തിന്റെ ആവേശമുയരും. ട്രാക്കിലെ കൗമാര കരുത്തിലേക്കായിരിക്കും ഇനിയുള്ള ദിനങ്ങളില്‍ കായിക കേരളം ശ്രദ്ധയൂന്നുക. 340 ഗെയിംസ് മത്സരയിനങ്ങളും അക്വാട്ടിക്സ് വിഭാഗത്തില്‍ 54 മത്സരയിനങ്ങളും പൂര്‍ത്തിയായപ്പോള്‍ തിരുവനന്തപുരം ജില്ല മുന്നേറ്റം തുടരുകയാണ്. കണ്ണൂര്‍ ജില്ല രണ്ടാം സ്ഥാനത്തും തൃശൂര്‍ ജില്ല മൂന്നാം സ്ഥാനത്തുമാണ്. അത്ലറ്റിക്സ് മത്സരങ്ങള്‍ക്ക് വ്യാഴാഴ്ച (നവംബര്‍ 7) മുതല്‍ തുടക്കമാകുകയാണ്. അത്ലറ്റിക്സ് മത്സരങ്ങള്‍ക്കായി 14 കൗണ്ടറുകളിലാണ് രജിസ്ട്രേഷന്‍ നടന്നത്. വ്യവസായവകുപ്പ് മന്ത്രി പി രാജീവ് ബുധനാഴ്ച പ്രധാനവേദിയായി മഹാരാജാസ് കോളേജ് ഗ്രൗണ്ട് സന്ദര്‍ശിച്ച് കുട്ടികളുമായും അധികൃതരുമായും ആശയവിനിമയം നടത്തി. 

രണ്ടാംദിനം (നവംബര്‍ 6, ബുധന്‍) റെക്കോഡ് നേട്ടം കൈവരിച്ചവര്‍

സബ് ജൂനിയര്‍ ബോയ്സ്-ബ്രെസ്റ്റ് സ്ട്രോക്ക്:
പി.പി. അഭിജിത്ത്, ഗവ. എച്ച് എസ് എസ്, കളശേരി, എറണാകുളം
  
ജൂനിയര്‍ ബോയ്സ്-ഫ്രീ സ്‌റ്റൈല്‍:
മോന്‍ഗാം തീര്‍ഥു സാംദേവ്, തുണ്ടത്തില്‍ എംവിഎച്ച്എസ്എസ,് തിരുവനന്തപുരം  

ജൂനിയര്‍ ഗേള്‍സ്-200 മീറ്റര്‍ വ്യക്തിഗത മെഡ്ലി:
ആര്‍. വിദ്യാലക്ഷ്മി, ഗവ. എച്ച് എസ് എസ്, വെഞ്ഞാറമൂട്, തിരുവനന്തപുരം
നടകുടിതി പാവനി സരയു, തുണ്ടത്തില്‍ എംവിഎച്ച്എസ്എസ്, തിരുവനന്തപുരം  

സീനിയര്‍ ബോയ്സ്-200 മീറ്റര്‍ ഫ്രീസ്‌റ്റൈല്‍:
ഗൊട്ടേറ്റി സാംപഥ് കുമാര്‍ യാദവ്, തുണ്ടത്തില്‍ എംവിഎച്ച്എസ്എസ്, തിരുവനന്തപുരം  

200 മീറ്റര്‍ ബാക്ക് സ്ട്രോക്ക്: 
എസ്. അഭിനവ്, തുണ്ടത്തില്‍ എംവിഎച്ച്എസ്എസ്, തിരുവനന്തപുരം  

സീനിയര്‍ ഗേള്‍സ്-200 മീറ്റര്‍ വ്യക്തിഗത മെഡ്ലി:
നാദിയ ആസിഫ്, ഗവ. എച്ച് എസ് എസ് കളമശ്ശേരി, എറണാകുളം
എം.ആര്‍. അഖില, തുണ്ടത്തില്‍ എംവിഎച്ച്എസ്എസ്, തിരുവനന്തപുരം  

ഗെയിംസ്:
ജില്ല, പോയിന്റുകള്‍, സ്വര്‍ണ്ണം, വെള്ളി, വെങ്കലം എന്ന ക്രമത്തില്‍
തിരുവനന്തപുരം - 848, 91, 75, 77
കണ്ണൂര്‍ - 464, 48, 37, 51
തൃശൂര്‍ - 438, 48, 29, 47
പാലക്കാട്  370, 23, 41, 54
മലപ്പുറം - 273, 19, 31, 60, 
എറണാകുളം - 271, 22, 28, 47
കോഴിക്കോട് - 255, 14, 33, 45

അക്വാട്ടിക്സ്:
തിരുവനന്തപുരം - 333, 39, 29, 33
എറണാകുളം - 95, 8, 13, 7
കോട്ടയം - 53, 4, 8, 3
തൃശൂര്‍ - 23, 2, 2, 6
കോഴിക്കോട് - 8, 1, 1, 0, 8
പാലക്കാട് -  7, 0, 0, 5 
കാസര്‍ഗോഡ് - 3, 0, 1, 0