ഉപതിരഞ്ഞെടുപ്പ്: 13, 14 തിയതികളില്‍ പോളിങ് ഉദ്യോഗസ്ഥര്‍ക്ക് പരിശീലനം

ഉപതിരഞ്ഞടുപ്പ് നവംബര്‍ 20 ലേക്ക് മാറ്റിയ സാഹചര്യത്തില്‍ പോളിങ് ഉദ്യോഗസ്ഥര്‍ക്കുള്ള മൂന്നാം ഘട്ട പരിശീലനം നവംബര്‍ 13, 14 തിയതികളില്‍ പാലക്കാട് മേഴ്സി കോളേജ് ഓഡിറ്റോറിയത്തില്‍ നടക്കുമെന്ന് ഇലക്ഷന്‍ ഡെപ്യൂട്ടി കളക്ടര്‍ അറിയിച്ചു. പോളിങ് പാര്‍ട്ടി നമ്പര്‍ ഒന്നു മുതല്‍ 36 വരെയും 50 മുതല്‍ 74 വരെയും നവംബര്‍ 13 ന് രാവിലെ പത്തിനും, 37 മുതല്‍ 49 വരെയും 75 മുതല്‍ 122 വരെയും ഉച്ചയ്ക്ക് രണ്ടിന് നടക്കും.

123 മുതല്‍ 172 വരെ നവംബര്‍ 14 ന് രാവിലെ 10 നും 173 മുതല്‍ 221 വരെ  ഉച്ചയ്ക്ക് രണ്ടിനും പരിശീലനം നടക്കും. പരിശീലനത്തില്‍ നിയോഗിക്കപ്പെട്ട ഉദ്യോഗസ്ഥര്‍ പങ്കെടുക്കേണ്ടതാണ്. ബന്ധപ്പെട്ട മേലുദ്യോഗസ്ഥര്‍ നിയോഗിക്കപ്പെട്ട പോളിങ് ഉദ്യോഗസ്ഥര്‍ക്ക്  പരിശീലനത്തില്‍ പങ്കെടുക്കുന്നതിനുള്ള അനുവാദം യഥാസമയം നല്‍കേണ്ടതാണെന്നും ഇലക്ഷന്‍ ഡെപ്യൂട്ടി കളക്ടര്‍ അറിയിച്ചു.