മേള സംഘടിപ്പിക്കുന്നു

        കേരള സംസ്ഥാന ഭിന്നശേഷി കോർപ്പറേഷനിൽ നിന്നും വായ്പ എടുത്ത ഗുണഭോക്താക്കൾക്ക് അവർ നിർമിച്ച ഉൽപ്പന്നങ്ങൾ പ്രദർശിപ്പിക്കുന്നതിനും വിൽക്കുന്നതിനും ദേശീയ ദിവ്യാൻഗൻ ധനകാര്യ വികസന കോർപ്പറേഷൻ മേള സംഘടിപ്പിക്കുന്നു. ഡൽഹിയിലെ കർത്തവ്യപഥിൽ വച്ച് ഡിസംബർ 12 മുതൽ 22 വരെയാകും മേള നടക്കുക. വിവിധ സംസ്ഥാനങ്ങളിൽ നിന്നുള്ള സംരംഭകർ മേളയിൽ പങ്കെടുക്കുന്നതിനാൽ പലവിധത്തിലുള്ള സംരംഭങ്ങളെക്കുറിച്ച് മനസ്സിലാക്കാനുള്ള ഒരു സുവർണ്ണാവസരം കൂടിയാണ് ഒരുങ്ങുന്നത്. മേളയിൽ പങ്കെടുക്കാൻ താൽപര്യമുള്ളവരും മുമ്പ് മേളയിൽ പങ്കെടുത്തിട്ടില്ലാത്തവരുമായ ഗുണഭോക്താക്കൾ പേരും മറ്റ് വിശദവിവരങ്ങളും ഉൽപ്പന്നങ്ങളുടെ ഫോട്ടോഗ്രാഫും ഉൾപ്പെടെ നവംബർ 23ന് വൈകിട്ട് 3 മണിക്കകം നിശ്ചിത അപേക്ഷ ഫോറത്തിൽ kshpwc2017@gmail.com എന്ന വിലാസത്തിൽ അയക്കേണ്ടതാണ്. അപേക്ഷ ഫോറവും മറ്റ് വിശദ വിവരങ്ങളും www.hpwc.kerala.gov.in എന്ന വെബ്സൈറ്റിൽ ലഭ്യമാണ്. കൂടുതൽ വിവരങ്ങൾക്ക്: 0471 2322065, 9497281896 എന്ന ഫോൺ നമ്പറുകളിൽ ബന്ധപ്പെടുക.                                         

പി.എൻ.എക്സ്. 5136/2024