നാട്ടാന പരിപാലന ചട്ടം: സെമിനാർ മന്ത്രി എ കെ ശശീന്ദ്രൻ ഉദ്ഘാടനം ചെയ്യും

നാട്ടാന പരിപാലനം സംബന്ധിച്ച് 2023 - ലെ കേരള ക്യാപ്റ്റീവ് എലിഫന്റ്‌ (മാനേജ്‌മെന്റ്‌ & മെയിന്റനൻസ്) കരട് ചട്ടത്തിൻമേലുള്ള ചർച്ച ഇന്ന് (നവംബർ 20) രാവിലെ 9.30 ന് പി റ്റി പി നഗർ ഫോറസ്ട്രി ട്രെയിനിങ് കോംപ്ലക്സ് അരണ്യം ഹാളിൽ വനം-വന്യജീവി വകുപ്പ് മന്ത്രി എ കെ ശശീന്ദ്രൻ ഉദ്ഘാടനം ചെയ്യും. മന്ത്രി കെ ബി ഗണേഷ്‌കുമാർ മുഖ്യപ്രഭാഷണം നടത്തും.

വനമേധാവി ഗംഗ സിങ് അധ്യക്ഷത വഹിക്കും. ചീഫ് വൈൽഡ് ലൈഫ് വാർഡൻ പ്രമോദ് ജി കൃഷ്ണൻ , അഡീഷണൽ പ്രിൻസിപ്പൽ ഫോറസ്റ്റ് കൺസർവേറ്റർമാരായ രാജേഷ് രവീന്ദ്രൻ, ഡോ. പി. പുകഴേന്തി, ഡോ. എൽ. ചന്ദ്രശേഖർ, ഡോ. ജസ്റ്റിൻ മോഹൻ തുടങ്ങിയവർ സംസാരിക്കും. തുടർന്ന് കരട് ചട്ടത്തിൻമേൽ വിദഗ്ധർ നയിക്കുന്ന ക്ലാസുകൾ നടക്കും.

പി.എൻ.എക്സ്. 5185/2024