ബാലാവകാശ വാരാഘോഷം: സമാപനം നാളെ

വനിതാശിശുവികസന വകുപ്പ് ജില്ലാ ഘടകമായ പാലക്കാട് ജില്ലാ ശിശുസംരക്ഷണ യൂണിറ്റ് 2024 ബാലാവകാശ വാരാഘോഷം നാളെ (നവംബര്‍ 21) സമാപിക്കും. നവംബര്‍ 14 മുതല്‍ ഒരു ആഴ്ച നീണ്ടുനില്‍ക്കുന്ന ബാലാവകാശവാരാഘോഷം വിപുലമായ വ്യത്യസ്ത പരിപാടികളുമായി ആഘോഷിച്ച് വരുന്നു. സമാപനത്തില്‍ വൈകിട്ട്  മൂന്ന് മുതല്‍ 4.30  വരെ പാലക്കാട് രാപ്പാടി ഓഡിറ്റോറിയത്തില്‍് കുട്ടികള്‍ക്കായി ഒരുക്കുന്ന 'ലിറ്റില്‍ ഡാവിഞ്ചി' എന്ന ചിത്ര കലാ ക്യാമ്പ് സംഘടിപ്പിക്കുന്നു. പ്രശസ്ത ചിത്രകാരനായ സൂരജ് ബാബുവിനോടൊപ്പം കുട്ടികള്‍ക്ക് ക്യാമ്പില്‍ പങ്കെടുക്കാവുന്നതാണ്. ബാലാവകാശ സംരക്ഷണം എന്ന സന്ദേശം സമൂഹത്തിലേയ്ക്ക് എത്തിക്കുന്നതിന്റെ ഭാഗമായി കൂട്ടികള്‍ക്ക് ഒന്നിച്ചിരുന്ന് തങ്ങളുടെ ആശയങ്ങള്‍ ചിത്രങ്ങളിലൂടെ സമൂഹത്തിലേയ്ക്ക് എത്തിക്കുക എന്നതാണ് പരിപാടിയുടെ  ലക്ഷ്യം്. 18 വയസ്സിന് താഴെയുള്ള കുട്ടികള്‍ക്ക് പങ്കെടുക്കാവുന്നതാണ്. ചിത്ര രചനയ്ക്ക് ആവശ്യമായ പേപ്പറുകള്‍ വേദിയില്‍ നിന്നും ലഭിക്കുന്നതാണ്.  ചിത്രം വരക്കുന്നതിലേക്ക് ആവശ്യമായ സാമഗ്രികള്‍ കുട്ടികള്‍ കയ്യില്‍ കരുതണം്. ഫോണ്‍ :8281899468, 04912531098