കംപയിലേഷന്‍ ക്യാമ്പ് സംഘടിപ്പിച്ചു

വ്യവസായ യൂണിറ്റുകളുടെ പ്രതിനിധികള്‍ക്കായി കോഴിക്കോട് നാഷണല്‍ സ്റ്റാറ്റിസ്റ്റിക്സ് ഓഫീസിന്റെ (എന്‍.എസ്.ഒ.) ആഭിമുഖ്യത്തില്‍ ഏകദിന കംപയിലേഷന്‍ ക്യാമ്പ് നടത്തി. കളക്ഷന്‍ ഓഫ് സ്റ്റാറ്റിസ്റ്റിക്സ് ആക്ട് പ്രകാരം വ്യാവസായിക യൂണിറ്റുകള്‍ ആനുവല്‍ സര്‍വ്വേ ഓഫ് ഇന്‍ഡസ്ട്രീസിന്റെ (എ.എസ്.ഐ) റിട്ടേണുകള്‍ പോര്‍ട്ടലില്‍ സമര്‍പ്പിക്കുന്നതിന്റെ ഭാഗമായിട്ടായിരുന്നു ക്യാമ്പ്.   കോഴിക്കോട് കല്ലായി കേന്ദ്രീയ ഭവന്‍ കോണ്‍ഫറന്‍സ് ഹാളില്‍ നടന്ന ക്യാമ്പിന്റെ ഉദ്ഘാടനം എന്‍.എസ്.ഒ ഡയറക്ടറും റീജിയണല്‍ മേധാവിയുമായ മുഹമ്മദ് യാസിര്‍  ഉദ്ഘാടനം ചെയ്തു.കോഴിക്കോട് ജില്ലാ വ്യവസായ കേന്ദ്രം ഡെപ്യൂട്ടി ഡയറക്ടര്‍ സലീന, എക്കണോമിക്സ് ആന്‍ഡ് സ്റ്റാറ്റിസ്റ്റിക്സ് വകുപ്പ്  ഡെപ്യൂട്ടി ഡയറക്ടര്‍ പ്രേംരാജ്  എന്നിവര്‍ പ്രഭാഷണം നടത്തി. വിവിധ സെഷനുകളില്‍ എന്‍.എസ്.ഒ  സീനിയര്‍ സ്റ്റാറ്റിസ്റ്റിക്കല്‍ ഓഫീസര്‍മാരായ സി.ജി സുരേഷ് ബാബു (ഇന്‍ചാര്‍ജ്,  സബ് റീജിയണല്‍ ഓഫീസ് പാലക്കാട്), ഡോളി വര്‍ഗീസ്( ഇന്‍ചാര്‍ജ്,  സബ് റീജിയണല്‍ ഓഫീസ് തൃശൂര്‍) , ടി.രമ്യ  (സബ് റീജിയണല്‍ ഓഫീസ്, കണ്ണൂര്‍), എ.ശര്‍മേന്ദ്ര, വി.ശ്രീജിത, പി.ധന്യ, എന്‍.തൗസീഫ്  എന്നിവര്‍ സംസാരിച്ചു.