കണ്‍സ്യൂമര്‍ഫെഡ് റീജിയണല്‍ പര്‍ച്ചേഴ്സ് കമ്മിറ്റി യോഗം ഇന്ന്

പാലക്കാട് കൺസ്യൂമർഫെഡിന്റെ റീജിയണല്‍ പര്‍ച്ചേഴ്സ് കമ്മിറ്റി യോഗം ഇന്ന് (നവംബര്‍ 26) പാലക്കാട് റീജിയണല്‍ ഓഫീസില്‍ ചേരും. ത്രിവേണി സൂപ്പർ മാർക്കറ്റുകളിലേക്ക് 2024 ഡിസംബർ മാസത്തിലെ വില്പനക്കാവശ്യമായ പലചരക്ക്, കോസ്മെറ്റിക്‌സ്, സ്റ്റേഷനറി, ഹൗസ് ഹോൾഡ് വെജിറ്റബിൾസ് തുടങ്ങിയ സാധനങ്ങൾ വിതരണം ചെയ്യാൻ താൽപര്യമുള്ള വിതരണക്കാര്‍ക്കും മെഡിക്കൽ വിഭാഗത്തിലേക്ക് മെഡിസിൻ വിതരണം ചെയ്യാൻ താൽപര്യമുള്ള വിതരണക്കാര്‍ക്കും ഇന്ന് രാവിലെ 10 മണി മുതൽ ഉച്ചയ്ക്ക് രണ്ടു വരെയും പൾസസ്സ്, കോസ്മെറ്റിക്സ്, ഹൗസ് ഹോൾഡ് തുടങ്ങിയവയുടെ വിതരണക്കാര്‍ക്ക് വൈകീട്ട് മൂന്നു മണി മുതല്‍ അഞ്ചു മണി വരെയുമാണ് യോഗം. വിതരണക്കാര്‍ വില വിവരം, സാമ്പിൾ എന്നിവ അടങ്ങിയ ക്വട്ടേഷൻ സഹിതം യോഗത്തില്‍ പങ്കെടുക്കണമെന്ന് റീജിയണല്‍ മാനേജര്‍ അറിയിച്ചു.