പരിശോധന നടത്തി
അനര്‍ഹമായി അന്ത്യോദയാ/മുന്‍ഗണനാ കാര്‍ഡുകള്‍ കൈവശം വെച്ചിരിക്കുന്നത് കണ്ടെത്തുന്നതിനായി പൊന്നാനി താലൂക്ക് സപ്ലൈ ഓഫീസറുടെ നേതൃത്വത്തില്‍ പെരുമ്പടപ്പ് പഞ്ചായത്തിലെ ചെറവല്ലൂരിലും, എടപ്പാള്‍ പഞ്ചായത്തിലെ വിവിധ പ്രദേശങ്ങളിലും പരിശോധന നടത്തി. 70 വീടുകളിലെ റേഷന്‍കാര്‍ഡുകള്‍ പരിശോധനയ്ക്ക് വിധേയമാക്കി. ആയതില്‍ അനര്‍ഹമായി റേഷന്‍ സാധനങ്ങള്‍ വാങ്ങിയിരുന്ന എ.എ.വൈ /മുന്‍ഗണനാ വിഭാഗത്തിലുളള 12 കാര്‍ഡുകള്‍ പിടിച്ചെടുക്കുകയും കാര്‍ഡുടമകള്‍ക്ക് അനര്‍ഹമായി വാങ്ങിയ റേഷന്‍ സാധനങ്ങളുടെ വിലയും, പിഴയും ഈടാക്കുന്നതിനുളള നടപടികള്‍ സ്വീകരിക്കുകയും ചെയ്തു. അനര്‍ഹമായ രീതിയില്‍ എ.എ.വൈ/മുന്‍ഗണനാ കാര്‍ഡുകള്‍ കൈവശം വെച്ചിരിക്കുന്നത് കണ്ടെത്തുന്നതിനായി ശക്തമായ പരിശോധനകള്‍ താലൂക്കിന്റെ മുഴുവന്‍ പ്രദേശങ്ങളിലും വരും ദിവസങ്ങളിലും തുടരും.
പരിശോധനയില്‍ താലൂക്ക് സപ്ലൈ ഓഫീസര്‍ ജോയ്‌സ് ജോര്‍ജ്ജ്, റേഷനിംഗ് ഇന്‍സ്‌പെക്ടര്‍മാരായ ഷെനോയ്. ഇ.ജെ, സത്യശീലന്‍, ഓഫീസ് ജീവനക്കാരായ ഗണേശന്‍, ദിപു.പി.കെ. എന്നിവരും പങ്കെടുത്തു.
- Log in to post comments