മന്ദഹാസം (മുതിര്ന്ന പൗരന്മാര്ക്ക് കൃത്രിമദന്തനിര സൗജന്യമായി നല്കുന്ന പദ്ധതി)
കൊച്ചി: ദാരിദ്ര്യരേഖയ്ക്ക് താഴെയുള്ള മുതിര്ന്ന പൗരന്മാര്ക്ക് കൃത്രിമ ദന്തനിര വയ്ക്കുന്നതിന് ധനസഹായം നല്കുന്ന സംസ്ഥാന സര്ക്കാരിന്റെ പദ്ധതിയാണ് മന്ദഹാസം. ഇനി പറയുന്ന വിഭാഗത്തില്പ്പെടുന്നവര്ക്ക് കൃത്രിമ ദന്തങ്ങളുടെ പൂര്ണ്ണസെറ്റ് സൗജന്യമായി വച്ച് കൊടുക്കലാണ് പദ്ധതിയുടെ ലക്ഷ്യം.
ദാരിദ്ര്യരേഖയ്ക്ക് താഴെയുള്ള 60 വയസ്സിന് മുകളില് പ്രായമുള്ളവര്, പല്ലുകള് പൂര്ണ്ണമായും നഷ്ടപ്പെട്ടവരും അതല്ലെങ്കില് ഭാഗികമായി നഷ്ടപ്പെട്ട് അവശേഷിക്കുന്നവ ഉപയോഗയോഗ്യമല്ലാത്തതിനാല് പറിച്ചുനീക്കേണ്ട അവസ്ഥ യിലുള്ളവര്, കൃത്രിമപല്ലുകള് മാറ്റിവയ്ക്കുന്നതിന് അനുയോജ്യമെന്ന് യോഗ്യത നേടിയ ദന്തിസ്റ്റ് നിശ്ചിതഫാറത്തില് സാക്ഷ്യപ്പെടുത്തിയവര്, അപേക്ഷയോടൊപ്പം സമര്പ്പിക്കേണ്ട രേഖകള്, യോഗ്യത നേടിയ സര്ക്കാര് ദന്തിസ്റ്റ് നല്കിയ നിശ്ചിതഫാറത്തിലുള്ള അനുയോജ്യതാ സര്ട്ടിഫിക്കറ്റ്. ബി.പി.എല് തെളിയിക്കാനുള്ള രേഖ (റേഷന്കാര്ഡ്/ ബി.പി.എല് സര്ട്ടിഫിക്കറ്റ്/വില്ലേജ് ആഫീസറില് നിന്നുള്ള വരുമാന സര്ട്ടിഫിക്കറ്റ്) വയസ്സ് തെളിയിക്കുന്ന രേഖ (ആധാര്/ഇലക്ഷന് ഐഡി/സ്കൂള് സര്ട്ടിഫിക്കറ്റ്/ മെഡിക്കല് ആഫീസറുടെ സര്ട്ടിഫിക്കറ്റ്/സര്ക്കാര് സേവനത്തിന് അംഗീകരിക്കുന്ന മറ്റ് സര്ട്ടിഫിക്കറ്റുകള്)
മേല്പ്പറഞ്ഞ രേഖകള് സഹിതമുള്ള അപേക്ഷകള് ജൂലായ് 31 നു മുമ്പായി ജില്ലാ സാമൂഹ്യനീതി ആഫീസര്, സിവില് സ്റ്റേഷന് താഴത്തെ നില, കാക്കനാട്, എറണാകുളം- 682 030 എന്ന വിലാസത്തില് സമര്പ്പിക്കണം. സര്ക്കാര് വൃദ്ധമന്ദിരങ്ങളിലെ താമസക്കാര്ക്ക് പ്രത്യേക പരിഗണന നല്കും. ഈ
പദ്ധതി പ്രകാരം അപേക്ഷ നല്കിയിട്ടുള്ളവര് വീണ്ടും അപേക്ഷിക്കേണ്ടതില്ല. ഫോണ് : 0484 2425377 ഇ-മെയില് : dsjoekm@gmail.com
- Log in to post comments