ശാസ്താംപാറ വികസനം വേഗത്തിലാക്കും: ഐ.ബി. സതീഷ് എം.എല്‍.എ.
തദ്ദേശീയര്‍ക്കും വിദേശീയര്‍ക്കും ഒരുപോലെ ആകര്‍ഷകമാകുന്ന ടൂറിസം കേന്ദ്രമാക്കി ശാസ്താംപാറയെ ഉയര്‍ത്തിക്കൊണ്ടുവരുമെന്ന് ഐ.ബി. സതീഷ് എം.എല്‍.എ. ശാസ്താംപാറയില്‍ രണ്ടാം ഘട്ടം ടൂറിസം പദ്ധതികളുടെ നിര്‍മ്മാണോദ്ഘാടനം നിര്‍വ്വഹിച്ച് സംസാരിക്കുകയായിരുന്നു അദ്ദേഹം. നിലവിലുള്ള കഫറ്റീരിയയുടെ നവീകരണം, കുടിവെള്ള സൗകര്യം, ടോയ്‌ലറ്റ്, ഡിസ്‌പ്ലേ ബോര്‍ഡ് എന്നിവ ഉള്‍പ്പെടുന്ന നിര്‍മാണ പ്രവര്‍ത്തനങ്ങള്‍ക്കാണ് തുടക്കമിട്ടത്. കേരളത്തിലെ ആദ്യ അഡ്വഞ്ചര്‍ ടൂറിസം അക്കാദമി ശാസ്താം പാറയില്‍ സ്ഥാപിക്കുന്നതിന് നടപടി സ്വീകരിക്കുമെന്നും അദ്ദേഹം പറഞ്ഞു.
ചടങ്ങില്‍ വിളപ്പില്‍ ഗ്രാമപഞ്ചായത്ത് പ്രസിഡന്റ് കെ. അനില്‍കുമാര്‍ അധ്യക്ഷത വഹിച്ചു. നേമം ബ്ലോക്ക് പഞ്ചായത്ത് പ്രസിഡന്റ് എല്‍. ശകുന്തളകുമാരി, വൈസ് പ്രസിഡന്റ് വിളപ്പില്‍ രാധാകൃഷ്ണന്‍, ജില്ലാ പഞ്ചായത്തംഗം ശോഭനകുമാരി, പഞ്ചായത്ത് അംഗങ്ങള്‍, ഉദ്യോഗസ്ഥര്‍ തുടങ്ങിയവര്‍ ചടങ്ങില്‍ സംബന്ധിച്ചു.
(പി.ആര്‍.പി. 832/2019)
- Log in to post comments