യൂത്ത് ക്ലബുകള്‍ സമൂഹത്തിലെ തിരുത്തല്‍ ശക്തികളാവണം
നാട്ടിലെ കലാ കായിക സംഘടനകള്‍ സമൂഹത്തില്‍ മാറ്റങ്ങള്‍ കൊണ്ടു വരാന്‍ കെല്‍പുളള സംവിധാനങ്ങള്‍ ആയി മാറണമെന്ന് ശ്രീകൃഷ്ണപുരം ബ്ലോക്ക് പഞ്ചായത്ത് പ്രസിഡന്റ് അരവിന്ദാക്ഷന്‍ അഭിപ്രായപ്പെട്ടു. സാംസ്‌കാരിക സംഘടനകള്‍ അവരുടെ നാട്ടിലെ കലാ കായിക ക്ഷേമ പ്രവര്‍ത്തനങ്ങളില്‍ വലിയ സംഭാവനകള്‍ ചെയ്യാന്‍ കഴിയുന്നവരാണ്. കാലരംഗത്തും കായിക രംഗത്തും മികച്ച പ്രതിഭകളെ ഉയര്‍ത്തി കൊണ്ടുവരാന്‍ ക്ലബുകള്‍ക്ക് ആവും. നെഹ്രു യുവ കേന്ദ്രയുടെ ആഭിമുഖ്യത്തില്‍ ശ്രീകൃഷ്ണപുരം ബ്ലോക്ക് പഞ്ചായത്ത് ഓഡിറ്റോറിയത്തില്‍ സംഘടിപ്പിച്ച ബ്ലോക്ക് തല യൂത്ത് പാര്‍ലിമെന്റ് ഉദ്ഘാടനം ചെയ്ത് സംസാരിക്കുകയായിരുന്നു അദ്ധേഹം. നെഹ്രു യുവ കേന്ദ്ര ജില്ലാ യൂത്ത് കോര്‍ഡിനേറ്റര്‍ എം. അനില്‍കുമാര്‍ അധ്യക്ഷത വഹിച്ച യോഗത്തില്‍ ശ്രീകൃഷ്ണപുരം എസ്.ഐ.കെ. മണികണ്ഠന്‍ മുഖ്യാതിഥി ആയി. കെ ഉണ്ണികൃഷ്ണന്‍, ഗിരിഷ് ലാല്‍ ഗുപ്ത, സി.സി മിഥുന്‍ കൃഷ്ണ, എസ്. ദിവ്യ എന്നിവര്‍ പങ്കെടുത്തു.
- Log in to post comments