Post Category
എച്ച് 1 എന്‍ 1: മുന്‍കരുതല്‍ വേണമെന്ന് ജില്ലാ മെഡിക്കല്‍ ഓഫീസര്‍
ജില്ലയിലെ ചില പ്രദേശങ്ങളില്‍ എച്ച് 1 എന്‍ 1 റിപ്പോര്‍ട്ട് ചെയ്തതിനാല്‍ രോഗബാധ കൂടാനുള്ള സാഹചര്യം മുന്‍കൂട്ടി കണ്ട് മുന്‍കരുതലുകള്‍ എടുക്കണമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) അറിയിച്ചു. പ്രമേഹം, ഹൃദ്രോഗം, രക്തസമ്മര്‍ദ്ദം, കരള്‍- വൃക്കരോഗങ്ങള്‍ ഉള്ളവരും രോഗപ്രതിരോധശേഷി കുറഞ്ഞവരും ഗര്‍ഭിണികളും പ്രത്യേകം ശ്രദ്ധിക്കണം. ചെറിയ ജലദോഷമാണെങ്കില്‍ പോലും ഡോക്ടറെ സമീപിക്കേണ്ടതാണ്. വായുവിലൂടെ പകരുന്ന വൈറസായ ഇന്‍ഫ്‌ളുവന്‍സ വിഭാഗത്തില്‍പെട്ട വൈറസ് പനിയാണ് എച്ച് 1 എന്‍ 1. രോഗത്തിന് ഫലപ്രദമായ ചികിത്സ സൗജന്യമായി എല്ലാ സര്‍ക്കാര്‍ ആശുപത്രികളിലും ലഭ്യമാണ്.
ലക്ഷണങ്ങള്‍
- കുളിര്
- പനി
- ചുമ
- തൊണ്ടവേദന
- മൂക്കൊലിപ്പ്, മൂക്കടപ്പ്
- ശരീരവേദന
- തളര്‍ച്ച
- വയറിളക്കം
- ഓക്കാനം, ഛര്‍ദ്ദി
ശ്രദ്ധിക്കേണ്ട കാര്യങ്ങള്‍
- തുമ്മുമ്പോഴും ചുമയ്ക്കുമ്പോഴും വായും മൂക്കും തൂവാല ഉപയോഗിച്ച് മറയ്ക്കുക.
- രോഗികള്‍ പരിപൂര്‍ണ്ണ വിശ്രമം എടുക്കുക. പനിയുള്ളവര്‍ ജനത്തിരക്കുള്ള സ്ഥലങ്ങളില്‍ പോകാതിരിക്കുക. വീട്ടില്‍ തന്നെ വിശ്രമിക്കുകയും വേണം.
- കൈകള്‍ സോപ്പ് ഉപയോഗിച്ച് കൂടെക്കൂടെ കഴുകുന്നത് രോഗം പകരാനുള്ള സാധ്യത കുറയ്ക്കും.
- രോഗ ലക്ഷണങ്ങള്‍ ഉള്ളവര്‍ സ്വയം ചികിത്സക്ക് മുതിരാതെ ഡോക്ടറുടെ നിര്‍ദേശാനുസരണം മരുന്നു കഴിക്കണം
- ചുമയ്ക്കുമ്പോഴും തുമ്മുമ്പോഴും രോഗം വ്യാപിക്കാന്‍ സാധ്യതയുള്ളതിനാല്‍ രോഗി ഇക്കാര്യത്തില്‍ അതീവ ജാഗ്രത പുലര്‍ത്തണം.
- യാത്രചെയ്യുന്നതും പൊതുസ്ഥലങ്ങളില്‍ പോകുന്നതും പനി മാറുന്നതു വരെ ഒഴിവാക്കുക
date
- Log in to post comments