രജിസ്‌ട്രേഷന്‍ തീയതി നീട്ടി
മണ്‍പാത്ര ഉല്പ്പന്ന നിര്‍മ്മാണ വിപണന യൂണിറ്റുകളുടെ രജിസ്‌ട്രേഷന്‍ നവംബര്‍ 20 വരെ നീട്ടിയതായി സംസ്ഥാന കളിമണ്‍പാത്ര നിര്‍മ്മാണ വിപണന ക്ഷേമ വികസന കോര്‍പ്പറേഷന്‍ മാനേജിംഗ് ഡയറക്ടര്‍ അറിയിച്ചു. തൊഴില്‍ നൈപുണ്യ പരിശീലനം, ഉല്‍പ്പന്നങ്ങളുടെ വൈവിദ്ധ്യവല്‍ക്കരണം, ആധുനിക വല്‍ക്കരണം, വിപണനസാധ്യതകളുടെ പരിപോഷണം എന്നിവയ്ക്കായാണ് രജിസ്‌ട്രേഷന്‍ ഏര്‍പ്പെടുത്തുന്നത്.
നിലവില്‍ നിര്‍മ്മാണ വിപണന മേഖലയില്‍ പ്രവര്‍ത്തിക്കുന്ന വ്യക്തിഗത യൂണിറ്റുകള്‍ക്കും പാര്‍ട്ണര്‍ഷിപ്പ് സ്ഥാപനങ്ങള്‍ക്കും സഹകരണ/ചാരിറ്റബിള്‍ സൊസൈറ്റികള്‍ക്കും രജിസ്റ്റര്‍ ചെയ്യാം. അപേക്ഷാ ഫോം ംംം.സലൃമഹുീേേലൃ്യ.ീൃഴ എന്ന വെബ്‌സൈറ്റില്‍ ലഭിക്കും. പൂരിപ്പിച്ച അപേക്ഷ ബന്ധപ്പെട്ട രേഖകള്‍ സഹിതം നവംബര്‍ 20നുമുമ്പ് മാനേജിംഗ് ഡയറക്ടര്‍, സംസ്ഥാന കളിമണ്‍പാത്ര നിര്‍മ്മാണ വിപണന ക്ഷേമ വികസന കോര്‍പ്പറേഷന്‍, രണ്ടാംനില, അയ്യങ്കാളി ഭവന്‍, കവടിയാര്‍ പി. ഒ, കനകനഗര്‍, വെള്ളയമ്പലം,തിരുവനന്തപുരം-695003 എന്ന വിലാസത്തില്‍ ലഭിക്കണം. കൂടുതല്‍ വിവരങ്ങള്‍ക്ക് 0471 2727010, 9947038770
(പി.ആര്‍.പി. 1215/2019)
- Log in to post comments