മലയാളദിനം-ഭരണഭാഷ വാരാഘോഷം: സമാപനം ഇന്ന്
ജില്ലാ ഇന്‍ഫര്‍മേഷന്‍ ഓഫീസിന്റെയും ജില്ലാ ഭരണകൂടത്തിന്റെയും സംയുക്താഭിമുഖ്യത്തില്‍ നടക്കുന്ന മലയാളദിനം-ഭരണഭാഷ വാരാഘോഷം സമാപന പരിപാടി ഇന്ന് (നവംബര്‍ ഏഴ്) ഉച്ചയ്ക്ക് 2.30 ന് കലക്ടറേറ്റ് കോണ്‍ഫറന്‍സ് ഹാളില്‍ പാലക്കാട് അസിസ്റ്റന്റ് കലക്ടര്‍ ചേതന്‍ കുമാര്‍ മീണ ഉദ്ഘാടനം ചെയ്യും. എ.ഡി.എം ടി വിജയന്‍ അധ്യക്ഷനാകും. ഭരണഭാഷാ വാരാഘോഷതോടനുബന്ധിച്ച് സിവില്‍ സ്റ്റേഷന്‍ ജീവനക്കാര്‍ക്ക് നടത്തിയ ക്വിസ്, കവിതാ പാരായണം, തര്‍ജ്ജമ മത്സരങ്ങള്‍, വിദ്യാര്‍ഥികള്‍ക്കായി നടത്തിയ പ്രസംഗമത്സര വിജയികള്‍ക്കുള്ള സമ്മാനദാനവും ജില്ലാതല ഭരണഭാഷ പുരസ്‌കാരദാനവും അസിസ്റ്റന്റ് കലക്ടര്‍ ചേതന്‍ കുമാര്‍ മീണ, എ.ഡി.എം. ടി വിജയന്‍ എന്നിവര്‍ വിതരണം ചെയ്യും. തുടര്‍ന്ന് 'കുഞ്ചനും തുള്ളലും മലയാളവും' വിഷയത്തില്‍ കുഞ്ചന്‍ സ്മാരകം രാജേഷ് പ്രഭാഷണം നടത്തും. കൂടാതെ മത്സരങ്ങളില്‍ സമ്മാനാര്‍ഹമായ പ്രസംഗം, കവിത എന്നിവയുടെ അവതരണം നടക്കും. ജില്ലാ ഇന്‍ഫര്‍മേഷന്‍ ഓഫീസര്‍ പ്രീയ കെ. ഉണ്ണികൃഷ്ണന്‍, ഹുസൂര്‍ ശിരസ്തദാര്‍ കെ.എസ്. ഗീത എന്നിവര്‍ സംസാരിക്കും
- Log in to post comments