ജനുവരിയിലെ റേഷന്‍ അനുവദിച്ചു

ജനുവരി മാസം ജില്ലയിലെ റേഷന്‍ കാര്‍ഡുടമകള്‍ക്ക് വിതരണം നടത്തുന്നതിനായി 2817.976 മെട്രിക് ടണ്‍ അരിയും 415.015 മെട്രിക് ടണ്‍ ഗോതമ്പും അനുവദിച്ചിട്ടുണ്ട്. മുന്‍ഗണനാ വിഭാഗത്തില്‍പ്പെട്ട കാര്‍ഡുകളിലെ (പിങ്ക് കാര്‍ഡ്) ഓരോ അംഗത്തിനും കി. ഗ്രാമിന് 2  രൂപാ നിരക്കില്‍ 4 കി.ഗ്രാംഅരിയും 1കി.ഗ്രാം ഗോതമ്പും, എ. എ.വൈ കാര്‍ഡുകള്‍ക്ക്(മഞ്ഞ കാര്‍ഡ്) സൗജന്യ നിരക്കില്‍ കാര്‍ഡൊന്നിന് 30  കി.ഗ്രാംഅരിയും 5 കി.ഗ്രാം ഗോതമ്പും റേഷന്‍ കടകളില്‍ നിന്ന് ഈ മാസം ലഭിക്കും. മുന്‍ഗണനാ -  ഇതര- സബ്സിഡി(എന്‍.പി.എസ്) പദ്ധതിയില്‍ ഉള്‍പ്പെട്ടവര്‍ക്ക്(നീല കാര്‍ഡ്) ഓരോ അംഗത്തിനും 4രൂപ നിരക്കില്‍ 2 കി. ഗ്രാംഅരിയും 17രൂപ നിരക്കില്‍ പരമാവധി 3 കി.ഗ്രാം ആട്ടയും സ്റ്റോക്കിന്റെ ലഭ്യത അനുസരിച്ചു ലഭിക്കും.

മുന്‍ഗണനാ - ഇതര -  നോണ്‍ സബ്സിഡി(എന്‍.പി.എന്‍.എസ് ) വിഭാഗത്തില്‍ പെട്ടവര്‍ക്ക് ( വെള്ള കാര്‍ഡ്) കാര്‍ഡൊന്നിന്10.90 രൂപാ നിരക്കില്‍ 10കി.ഗ്രാംഅരിയും 17രൂപാ നിരക്കില്‍ പരമാവധി 3 കി.ഗ്രാം ആട്ടയും ലഭിക്കും.വൈദ്യുതീകരിച്ച വീടുള്ള (ഇ)എല്ലാ കാര്‍ഡുടമകള്‍ക്കും കാര്‍ഡൊന്നിന് അരലിറ്ററും, വൈദ്യുതീകരിക്കാത്ത വീടുള്ളവര്‍ക്ക്(എന്‍.ഇ) കാര്‍ഡൊന്നിന്4 ലിറ്ററും മണ്ണെണ്ണ, ലിറ്ററിന് 40 രൂപാ നിരക്കില്‍ ലഭിക്കും. എ.എ.വൈ കാര്‍ഡിനു മാത്രം 21രൂപാ നിരക്കില്‍ ഒരു കിലോ പഞ്ചസാര വിഹിതവും ഡിസംബര്‍ മാസത്തെ വിതരണത്തിനായി എന്‍.പി.എന്‍.എസ് ഉപഭോക്താക്കള്‍ക്ക് അനുവദിച്ചിരുന്ന അരലിറ്റര്‍ നോണ്‍ സബ്സിഡി മണ്ണെണ്ണ വാങ്ങാന്‍ സാധിക്കാതിരുന്നവര്‍ക്ക് ആ വിഹിതവും 44രൂപ/ ലിറ്റര്‍ നിരക്കില്‍ ഈമാസത്തെ വിഹിതത്തിനു പുറമെ അധികമായി വാങ്ങാം.പരാതികള്‍ 1800 - 425 - 1550  എന്ന ടോള്‍ഫ്രീനമ്പരിലോ ജില്ലാ സപ്ലൈ ഓഫീസിലെ 0468 2222612 എന്നനമ്പരിലോ, താലൂക്ക് സപ്ലൈ ഓഫീസുകളിലെ താഴെ പറയുന്ന നമ്പരുകളിലോ അറിയിക്കാം. റേഷന്‍ കടകളില്‍ പ്രദര്‍ശിപ്പിച്ചിട്ടുള്ള റേഷനിംഗ് ഇന്‍സ്‌പെക്ടര്‍മാരുടെയും/ താലൂക്ക് സപ്ലൈ ആഫീസറുടെയും സി.യു.ജി മൊബൈല്‍ നമ്പരുകളിലും പരാതി വിളിച്ചറിയിക്കാം. കോഴഞ്ചേരി- 0468 2222212, കോന്നി - 0468 2246060, തിരുവല്ല - 0469 701327, അടൂര്‍ - 0473 4224856, റാന്നി -0473 5227504, മല്ലപ്പള്ളി -0469 2782374.