കൊറോണ പ്രത്യേക വാര്‍ത്താക്കുറിപ്പ് കൊറോണ: വൈറസ്ബാധയില്ലെന്നു സ്ഥിരീകരിച്ച 21 പേര്‍ ആശുപത്രി വിട്ടു
കൊറോണ വൈറസ് ആശങ്ക നിലനില്‍ക്കെ ഐസൊലേഷന്‍ വാര്‍ഡില്‍ നിരീക്ഷണത്തിലുണ്‍ായിരുന്ന 21 പേര്‍ ഇതുവരെ ആശുപത്രി വിട്ടു. വിദഗ്ധ പരിശോധനയില്‍ വൈറസ് ബാധയില്ലെന്നു സ്ഥിരീകരിച്ചു ഇന്നലെ (ഫെബ്രുവരി എട്ട്) ആശുപത്രിയിലെ നിരീക്ഷണത്തില്‍ നിന്നൊഴിവാക്കിയ എട്ടുപേര്‍ ഉള്‍പ്പെടെയാണിത്. രണ്‍ുഘട്ട വിദഗ്ധ പരിശോധനക്കായി 22 സാമ്പിളുകളാണ് ജില്ലയില്‍നിന്ന് അയച്ചത്. ഇതില്‍ പൂര്‍ണ്ണഫലം ലഭ്യമായ 15 പേര്‍ക്ക് വൈറസ്ബാധയില്ലെന്നു സ്ഥിരീകരിച്ചു. വൈറസ്ബാധിത പ്രദേശങ്ങളില്‍നിന്നു തിരിച്ചെത്തിയവരും അവരുമായി സമ്പര്‍ക്കം പുലര്‍ത്തിയവരുമായി 347 പേരാണ് ഇപ്പോള്‍ ജില്ലയില്‍ പ്രത്യേക നിരീക്ഷണത്തിലുള്ളത്. ഇതില്‍ 15 പേര്‍ ആശുപത്രിയിലും 332 പേര്‍ വീടുകളിലുമാണ്.
നിരീക്ഷണത്തിലുള്ളവര്‍ക്കു മാനസിക പിന്തുണ നല്‍കാനുള്ള പ്രത്യേക കൗണ്‍സലിംങ് കണ്‍ട്രോള്‍ സെല്ലിന്റെ നേതൃത്വത്തില്‍ പുരോഗമിക്കുന്നു. ഐസൊലേഷന്‍ വാര്‍ഡുകളില്‍ കഴിയുന്നവര്‍ക്കും പരിചരിക്കുന്നവര്‍ക്കും വീടുകളില്‍ നിരീക്ഷണത്തിലുള്ളവര്‍ക്കും കുടുംബാംഗങ്ങള്‍ക്കും മാനസിക സമ്മര്‍ദ്ദം കുറക്കാന്‍ വിദഗ്ധ സംഘത്തിന്റെ പിന്തുണ ലഭ്യമാക്കിവരുന്നു.
- Log in to post comments