ഐ.എച്ച്.ആര്.ഡി: വിവിധ പരീക്ഷകളുടെ ഫലം പ്രസിദ്ധീകരിച്ചു
ഐ.എച്ച്.ആര്.ഡി 2019 ഡിസംബറില് നടത്തിയ വിവിധ പരീക്ഷകളുടെ ഫലം പ്രസിദ്ധീകരിച്ചു. പോസ്റ്റ് ഗ്രാജുവേറ്റ് ഡിപ്ലോമ ഇന് കമ്പ്യൂട്ടര് ആപ്ലിക്കേഷന്സ് (പി.ജി.ഡി.സി.എ), ഡിപ്ലോമ ഇന് കമ്പ്യൂട്ടര് ആപ്ലിക്കേഷന്സ് (ഡി.സി.എ), ഡിപ്ലോമ ഇന് ഡാറ്റാ എന്ട്രി ടെക്നിക്സ് ആന്റ് ഓഫീസ് ഓട്ടോമേഷന് (ഡി.ഡി.റ്റി.ഒ.എ), സര്ട്ടിഫിക്കേറ്റ് കോഴ്സ് ഇന് ലൈബ്രറി ആന്റ് ഇന്ഫര്മേഷന് സയന്സ് (സി.സി.എല്.ഐ.എസ്) എന്നീ കോഴ്സുകളുടെ റഗുലര്/ സപ്ലിമെന്ററി പരീക്ഷാ ഫലമാണ് പ്രസിദ്ധീകരിച്ചത്. www.ihrd.ac.in ല് പരീക്ഷാഫലം ലഭിക്കും. കൂടാതെ അതാത് പരീക്ഷാ കേന്ദ്രങ്ങളുമായി ബന്ധപ്പെട്ടാല് അറിയാവുന്നതാണ്. പുനര്മൂല്യനിര്ണയത്തിനുള്ള അപേക്ഷകള് ഫെബ്രുവരി 26 വരെ അതാത് പരീക്ഷാ കേന്ദ്രങ്ങളിലും ഫെബ്രുവരി 29 വരെ 200 രൂപ പിഴ സഹിതവും സമര്പ്പിക്കാമെന്ന് ഡയറക്ടര് അറിയിച്ചു. ജൂണില് നടക്കുന്ന 2018 സ്കിം സപ്ലിമെന്ററി പരീക്ഷയ്ക്കുള്ള പ്രത്യേകാനുമതി ആവശ്യമുള്ളവര് അപേക്ഷകള് മാര്ച്ച് 16 നകവും 200 രൂപ പിഴയോടെ മാര്ച്ച് 18 വരെയും അതാത് സ്ഥാപനമേധാവികള് മുഖേന സമര്പ്പിക്കേണ്ടതാണ്. നിര്ദ്ദിഷ്ട തീയതിയ്ക്ക് ശേഷം ലഭിക്കുന്ന അപേക്ഷകള് പരിഗണിക്കുന്നതല്ല.
- Log in to post comments