ആരോഗ്യ സന്ദേശ യാത്ര ജില്ലാതല ഉദ്ഘാടനം ഇന്ന്

    പകര്‍ച്ച വ്യാധികള്‍ക്കെതിരെയുള്ള ജാഗ്രതയുടെ ഭാഗമായി നടത്തുന്ന ആരോഗ്യ സന്ദേശ യാത്രയുടെയും കലാജാഥയുടെ ജില്ലാതല ഉദ്ഘാടനം ഇന്ന് (22) നടക്കും.  രാവിലെ 11ന് കാസര്‍കോട് ജനറല്‍ ആശുപത്രിയില്‍ നടക്കുന്ന ചടങ്ങില്‍ എന്‍.എ നെല്ലിക്കുന്ന് എംഎല്‍എ ആരോഗ്യ സന്ദേശ യാത്ര ഉദ്ഘാടനം ചെയ്യും. ഈ മാസം 26 വരെയാണ് ആരോഗ്യസന്ദേശ യാത്ര നടത്തുന്നത്. പരിപാടിയോടനുബന്ധിച്ച് നടക്കുന്ന പ്രദര്‍ശനത്തിന്റെ ഉദ്ഘാടനം ജില്ലാ കളക്ടര്‍ ജീവന്‍ബാബു.കെ നിര്‍വഹിക്കും. കാസര്‍കോട് നഗരസഭ  വൈസ് ചെയര്‍മാന്‍ എല്‍.എ മഹമൂദ് അധ്യക്ഷതവഹിക്കും. 
    രോഗങ്ങളെക്കുറിച്ചും അവയെ പ്രതിരോധിക്കുന്നതിനെക്കുറിച്ചും ജനങ്ങളെ ബോധവല്‍ക്കരിക്കുന്നതിനും അതുവഴി മെച്ചപ്പെട്ട ആരോഗ്യ സംസ്‌കാരം ഉണ്ടാക്കുകയും ചെയ്യുക എന്ന ലക്ഷ്യത്തോടെയാണ് ജില്ലാ ആരോഗ്യവകുപ്പ് ആരോഗ്യസന്ദേശ യാത്ര സംഘടിപ്പിക്കുന്നത്.