വൈക്കത്ത് ഇന്ന് ആരോഗ്യ സെമിനാര്‍
ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ ആഭിമുഖ്യത്തില്‍ പരിസര ശുചിത്വം, രോഗപ്രതിരോധം, കുത്തിവെയ്പ്പുകളും ആശങ്കകളും എന്ന വിഷയത്തില്‍ ഇന്ന് വൈക്കം നിയോജകമണ്ഡലത്തില്‍ ആരോഗ്യ സെമിനാര്‍ സംഘടിപ്പിക്കും. രാവിലെ 10ന് കൊതവറ സെന്റ് സേവ്യേഴ്‌സ് കോളേജില്‍ കോളേജ് യൂണിറ്റ് എന്‍ എസ് എസ്, നെഹ്‌റു യുവകേന്ദ്ര എന്നിവയുടെ സഹകരണത്തോടെ സംഘടിപ്പിക്കുന്ന സെമിനാര്‍ സി കെ ആശ എംഎല്‍എ ഉദ്ഘാടനം ചെയ്യും. തുടര്‍ന്ന് ഡെപ്യൂട്ടി മെഡിക്കല്‍ ഓഫീസര്‍ ഡോ. പി എന്‍ വിദ്യാധരന്‍ ക്ലാസ്സെടുക്കും. വൈക്കം പളളിപ്പുറത്തുശ്ശേരി ഫൊറോന ചര്‍ച്ച് പാരിഷ് ഹാളില്‍ നടക്കുന്ന ആരോഗ്യ സെമിനാറില്‍ കോട്ടയം മെഡിക്കല്‍ കോളേജ് കമ്മ്യൂണിറ്റി മെഡിസിനിലെ ഡോ. സൂസന്‍ ജോണ്‍ ക്ലാസ്സെടുക്കും. ആരോഗ്യ വകുപ്പ്, തദ്ദേശ സ്വയംഭരണ സ്ഥാപനങ്ങള്‍, കുടുംബശ്രീ എന്നിവയുടെ സഹകരണത്തോടെയാണ് സെമിനാര്‍ സംഘടിപ്പിക്കുന്നത്.
- Log in to post comments