Post Category
പഞ്ചായത്ത്ദിനാഘോഷം: ഹരിതകേരള മിഷന് ഒന്നാംസ്ഥാനം
സംസ്ഥാന പഞ്ചായത്ത് ദിനാഘോഷങ്ങളോടനുബന്ധിച്ച് നടന്ന വിവിധ വകുപ്പുകളുടെ പവലിയനുകളുടെ മത്സരത്തില് ഹരിത കേരള മിഷന് ഒരുക്കിയ പവലിയന് ഒന്നാം സ്ഥാനം. ഹരിതകേരളം മിഷന്റെ കഴിഞ്ഞ ഒരുവര്ഷക്കാലത്തെ പ്രവര്ത്തനങ്ങളെ മുന്നിര്ത്തിയാണ് പവലിയന് ഒരുക്കിയത്. ഫോട്ടോ പ്രദര്ശനത്തിനു പുറമേ വലിയ സ്ക്രീനില് ഹരിതകേരളം മിഷന് പ്രവര്ത്തനങ്ങളുടെ ദൃശ്യങ്ങളും വിവരണവും പവലിയനില് സജ്ജമാക്കിയിരുന്നു. പൂര്ണ്ണമായും ഹരിതപെരുമാറ്റച്ചട്ടമനുസരിച്ച് തയ്യാറാക്കിയ പവലിയന് ഈറ കൊണ്ടുണ്ടാക്കിയ പരമ്പുകൊണ്ടാണ് ചുവരുകള് തീര്ത്തത്. തദ്ദേശഭരണ ഇതര സ്ഥാപനങ്ങളുടെ പട്ടികയിലാണ് ഹരിതകേരളം മിഷന് പവലിയന് ഒന്നാം സ്ഥാനം ലഭിച്ചത്. പഞ്ചായത്ത് ദിനാഘോഷങ്ങളുടെ സമാപന സമ്മേളനത്തില് തദ്ദേശഭരണ മന്ത്രി കെ.ടി ജലീല് ഹരിതകരളം മിഷനുള്ള പുരസ്ക്കാരം സമ്മാനിച്ചു.
date
- Log in to post comments