ഏകദിന പരിശീലനം നല്‍കി
സാമൂഹ്യനീതി വകുപ്പിന്റെ കീഴില്‍ ജോലിചെയ്യുന്ന സ്‌കൂള്‍ കൗണ്‍സിലര്‍മാര്‍ക്ക് ചൈല്‍ഡ്‌ലൈനിന്റെ നേതൃത്വത്തില്‍ ഏകദിന പരിശീലന പരിപാടി സംഘടിപ്പിച്ചു. മലപ്പുറം ഡി.ആര്‍.സി.എ ഹാളില്‍ നടന്ന പരിപാടി സി.ഡബ്ല്യു.സി മെമ്പര്‍ അഡ്വ .ഹാരിസ് പഞ്ചിളി ഉദ്ഘാടനം ചെയ്തു. ജില്ലാ സാമൂഹ്യനീതി ഓഫീസര്‍ സുഭാഷ്‌കുമാര്‍ കെ.വി അധ്യക്ഷത വഹിച്ചു.
''ലഹരി ഉപയോഗത്തിന്റെ മന:ശാസ്ത്രം'' എന്ന വിഷയത്തില്‍ വിമുക്തി മിഷന്‍ ജില്ലാ കോഓര്‍ഡിനേറ്റര്‍ ബി. ഹരികുമാര്‍ ക്ലാസ് നയിച്ചു. ''നവമാധ്യമങ്ങളും കുട്ടികളും''എന്ന വിഷയത്തില്‍ ഒ.ആര്‍.സി ജില്ലാ പരിശീലകന്‍ കെ.സന്തോഷ് കൃഷ്ണന്‍ ക്ലാസെടുത്തു. ചൈല്‍ഡ്ലൈന്‍ കോഓര്‍ഡിനേറ്റര്‍മാരായ സി .പി സലി , അന്‍വര്‍ കരക്കാടന്‍ എന്നിവര്‍ പരിപാടിക്ക് നേതൃത്വം നല്‍കി.
അണ്‍എയ്ഡഡ് മേഖലയില്‍ പ്രവര്‍ത്തിക്കുന്ന സ്‌കൂള്‍ കൗണ്‍സിലര്‍മാര്‍ അല്ലെങ്കില്‍ കൗണ്‍സിലിങ് ചാര്‍ജുള്ള അധ്യാപകര്‍ക്കായി ചൈല്‍ഡ്ലൈന്‍ മലപ്പുറം'' കുട്ടിയുടെമനഃശാസ്ത്രം''എന്നവിഷയത്തില്‍ സൗജന്യമായി പരിശീലനപരിപാടി സംഘടിപ്പിക്കുന്നു. താത്പര്യമുള്ള സ്‌കൂളുകള്‍ 0483 2730738 എന്ന നമ്പറില്‍ ഫെബ്രുവരി 28 നകം പേര് രജിസ്റ്റര്‍ ചെയ്യേണം.
- Log in to post comments