ഇന്ന് 19 കേസുകൾ രജിസ്റ്റർ ചെയ്തു

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂൺ 20)  വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 19 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 27 പ്രതികളിൽ 20 പേരെ അറസ്റ്റ് ചെയ്തു. നാല് വാഹനങ്ങൾ പിടിച്ചെടുത്തു. നിർദ്ദേശങ്ങൾ പാലിക്കാതെ സമര പരിപാടികളിൽ പങ്കെടുത്തതിനും ക്വാറന്റൈൻ  നിർദ്ദേശങ്ങൾ പാലിക്കാത്തതിനുമാണ് കേസ്.

 മാസ്ക് ധരിക്കാത്ത 464 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 464 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത പറഞ്ഞതിനു ശേഷം കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. മാസ്ക് ധരിക്കാത്തവരെ കണ്ടുപിടിക്കാനും ബോധവൽക്കരണം നടത്താനുമായി പോലീസ് പ്രത്യേക പെട്രോളിംഗ് ആരംഭിച്ചിട്ടുണ്ട്.