മ്യൂസിയം മൃഗശാലാ വകുപ്പിന്റെ അവധിക്കാല ക്യാമ്പ് ഒമ്പതു മുതല്‍

    തിരുവനന്തപുരം മ്യൂസിയം മൃഗശാലാ വകുപ്പിന്റെ ആഭിമുഖ്യത്തില്‍ സ്‌കൂള്‍ കുട്ടികള്‍ക്കായി ഏപ്രില്‍ ഒമ്പത് മുതല്‍ മെയ് 23 വരെ കുട്ടികളുടെ ആക്ടിവിറ്റി സെന്ററില്‍ ക്യാമ്പ് ഒരുക്കുന്നു.  ചിത്രകല, ക്ലേ മോഡലിംഗ്, ലൈഫ് സ്‌കില്‍സ്, ഫോട്ടോഗ്രാഫി എന്നീ വിഷയങ്ങളിലായിരിക്കും പരിശീലനം.  വേനല്‍ക്കാല അവധി സന്തോഷകരവും വിജ്ഞാനപ്രദവുമായ രീതിയില്‍ പ്രയോജനപ്പെടുത്തുന്നതിന് ഉതകുന്ന രീതിയിലാണ് പരിശീലനം.  പഠനത്തോടൊപ്പം വിദ്യാര്‍ത്ഥികളിലെ സര്‍ഗ്ഗവാസനകൂടി പരിപോഷിപ്പിക്കാനും, ഉത്തമ പൗരന്മാരാക്കി വളര്‍ത്താനും പരിശീലനക്കളരി ലക്ഷ്യം വയ്ക്കുന്നു.  പഠനം വിജയകരമായി പൂര്‍ത്തിയാക്കുന്നവര്‍ക്ക് സര്‍ട്ടിഫിക്കറ്റുകള്‍ നല്‍കും.  ക്ലാസുകള്‍ മെയ് 23ന്  കുട്ടികള്‍ ക്യാമ്പില്‍ തയ്യാറാക്കിയ കലാരൂപങ്ങളുടെ പ്രദര്‍ശനത്തോടെ സമാപിക്കും.  അപേക്ഷകള്‍ മ്യൂസിയത്തിലെ പ്ലാനിംഗ് സെല്ലില്‍ ലഭിക്കും.  അന്വേഷണങ്ങള്‍ക്ക് 9539866972, 9605008158, 9895674774.