കേരള ഭാഷാപാഠശാല മന്ത്രി എ.കെ.ബാലന്‍ ഉദ്ഘാടനം ചെയ്യും

    മലയാളം തെറ്റ്കൂടാതെ എഴുതാനും സംസാരിക്കാനും ചിട്ടയായ ഭാഷാപഠനം സാധ്യമാക്കുന്നതിനും വേണ്ടി കേരള ഭാഷാ ഇന്‍സ്റ്റിറ്റ്യൂട്ട് സംഘടിപ്പിക്കുന്ന കേരള ഭാഷാപാഠശാലയുടെ   ഉദ്ഘാടനവും പുസ്തകപ്രകാശനവും ഏപ്രില്‍ 5ന് രാവിലെ 10 ന് വൈലോപ്പിള്ളി സംസ്‌കൃതി ഭവനില്‍ സാംസ്‌കാരികവകുപ്പ് മന്ത്രി എ.കെ.ബാലന്‍ നിര്‍വഹിക്കും. കേരള ഭാഷാ ഇന്‍സ്റ്റിറ്റ്യൂട്ട് ഡയറക്ടര്‍ പ്രൊഫ.വി.കാര്‍ത്തികേയന്‍ നായര്‍ അധ്യക്ഷത വഹിക്കും. വട്ടപ്പറമ്പില്‍ പീതാംബരന്‍ സംസാരിക്കും. അപേക്ഷ സമര്‍പ്പിച്ചവര്‍ ഇന്‍സ്റ്റിറ്റ്യൂട്ടിന്റെ തിരുവനന്തപുരത്തുള്ള ഓഫീസില്‍ ഏപ്രില്‍ 5ന് രാവിലെ 10ന് മുമ്പ് എത്തണം.
പി.എന്‍.എക്‌സ്.1241/18