ഭരണഭാഷ വാരാഘോഷം: ജില്ലാതല കവിതാലാപന മല്സരത്തില് മീനാക്ഷി എസ്.വര്മ്മയ്ക്ക് ഒന്നാം സ്ഥാനം
മലയാള ദിനാഘോഷത്തിന്റെയും ഭരണഭാഷ വാരാഘോഷത്തിന്റെയും ഭാഗമായി എറണാകുളം ജില്ലാ ഇന്ഫര്മേഷന് ഓഫീസ് ഓണ്ലൈനായി സംഘടിപ്പിച്ച ജില്ലാതല മലയാള കവിതാലാപന മല്സര ത്തില് ഗിരിനഗര് ഭവന്സ് വിദ്യാമന്ദിറിലെ ആറാം ക്ലാസ്സ് വിദ്യാര്ത്ഥിനി മീനാക്ഷി എസ്. വര്മ്മ ഒന്നാം സ്ഥാനം നേടി. കോവിഡ് പ്രോട്ടോക്കോള് പാലിച്ചുകൊണ്ട് സംഘടിപ്പിച്ച മല്സരം ജില്ലാ ഇന്ഫര്മേഷന് ഓഫീസില് തയ്യാറാക്കിയ ഡിജിറ്റല് വേദിയിലാണ് നടന്നത്. ഗിരിനഗര് ഭവന്സ് വിദ്യാമന്ദിറിലെ പ്ലസ് വണ് വിദ്യാര്ത്ഥിനി ദേവിക പിയ്ക്കാണ് രണ്ടാം സ്ഥാനം , തോപ്പുംപടി അവര് ലേഡീസ് കോണ്വെന്റ് ഗേള്സ് ഹയര് സെക്കന്ററി സ്കൂള് പ്ലസ് ടു വിദ്യാര്ത്ഥിനി എം.വി. ദേവിക മൂന്നാം സ്ഥാനം നേടി. വീഡിയോ കോണ്ഫ്രന്സ് ആപ് വഴി വീടുകളില് ഇരുന്ന് വിദ്യാര്ത്ഥികള് തല്സമയം പങ്കെടുത്ത മല്സരം വലിയ സ്കീനില് പ്രദര്ശിപ്പിച്ചാണ് വിധിനിര്ണയം നടത്തിയത്. ജില്ലാ ഇന്ഫര്മേഷന് ഓഫീസര് ബി.സേതുരാജ്, സമകാലിക മലയാളം വാരിക സ്പെഷല് കറസ്പോണ്ടന്റ് സതീഷ് സൂര്യന് എന്നിവരായിരുന്നു വിധികര്ത്താക്കള്
- Log in to post comments