എലൈറ്റ് ട്രെയിനിംഗ് പദ്ധതിയിലേക്ക് കായിക താരങ്ങളെ തിരഞ്ഞെടുക്കുന്നു

    ഒളിമ്പിക്‌സ്, കോമണ്‍വെല്‍ത്ത് തുടങ്ങിയ അന്തര്‍ദേശീയ കായിക മത്സരങ്ങളില്‍ കേരളത്തിലെ കായികതാരങ്ങള്‍ മെഡല്‍ നേടുക എന്ന ലക്ഷ്യത്തില്‍ സ്റ്റേറ്റ് സ്‌പോര്‍ട്‌സ് കൗണ്‍സില്‍ നടപ്പിലാക്കുന്ന എലൈറ്റ് ട്രെയിനിംഗ് പദ്ധതിയിലേക്ക് കായിക താരങ്ങളെ തിരഞ്ഞെടുക്കും.  2016-17, 2017-18 വര്‍ഷങ്ങളില്‍ ദേശീയ അന്തര്‍ദേശീയ മത്സരങ്ങളില്‍ കഴിവ് തെളിയിച്ച 14 മുതല്‍ 23 വരെ പ്രായമുളള കായിക താരങ്ങളെയാണ് തിരഞ്ഞെടുക്കുന്നത്.  വിദേശ പരിശീലകന്റെ സേവനം ഉള്‍പ്പെടെ ഏറ്റവും ആധുനികമായ അന്തര്‍ദേശീയ നിലവാരത്തിലുളള കായിക സൗകര്യങ്ങളും, പരിശീലനവും, ഉന്നത നിലവാരത്തിലുളള അനുബന്ധ സൗകര്യങ്ങളും ലഭ്യമാക്കും.  ബാസ്‌ക്കറ്റ്‌ബോള്‍, ഫെന്‍സിംഗ് എന്നീ കായിക ഇനങ്ങളില്‍ വനിതകള്‍ക്കുളള സെലക്ഷന്‍ ഏപ്രില്‍ 13ന് കണ്ണൂര്‍ മുണ്ടയാട് ഇന്‍ഡോര്‍ സ്റ്റേഡിയത്തില്‍ നടക്കും.
    ബാസ്‌ക്കറ്റ്‌ബോള്‍, ഫെന്‍സിംഗ് സെലക്ഷന്‍സ് ട്രയല്‍സില്‍ പങ്കെടുക്കുന്ന കായിക താരങ്ങള്‍ സംസ്ഥാനത്തെ പ്രതിനിധീകരിച്ച് ദേശീയ കായിക മത്സരത്തില്‍ പങ്കെടുത്തിരിക്കണം.  താത്പര്യമുളള കായികതാരങ്ങള്‍ ഏപ്രില്‍ 13ന് രാവിലെ 8ന് കണ്ണൂര്‍ മുണ്ടയാട് ഇന്‍ഡോര്‍ സ്റ്റേഡിയത്തില്‍ ജനനതീയതി, വിദ്യാഭ്യാസ യോഗ്യത, കായിക മികവ് എന്നിവ തെളിയിക്കുന്ന സര്‍ട്ടിഫിക്കറ്റുമായി ഹാജരാകണം.
പി.എന്‍.എക്‌സ്.1347/18