സംരംഭകത്വ പരിശീലനം

     ജില്ലാവ്യവസായ  കേന്ദ്രത്തില്‍ യുവ വനിതാ സംരംഭകര്‍ക്കായുളള സംരംഭകത്വ വികസന പരിശീലന പരിപാടി നടത്തുന്നു. സംസ്ഥാന വ്യവസായ വികസന കോര്‍പ്പറേഷനും കൊച്ചി ആസ്ഥാനമായ പ്രശസ്ത സംരംഭകത്വ പരിശീലന സ്ഥാപനമായ കേരള ഇന്‍സ്റ്റിറ്റ്യൂട്ട് ഫോര്‍ എന്റര്‍പ്രണര്‍ഷിപ്പ് ഡവലപ്പ്‌മെന്റും സംയുക്തമായി  ജില്ലയിലെ തെരഞ്ഞെടുത്ത 30 വനിതകള്‍ക്കാണ് സൗജന്യ പരിശീലനം നല്‍കുന്നത്. പത്താം ക്ലാസ് വിജയിച്ച 18നും 45നും മധ്യേ പ്രായമുളള വനിതകളെയാണ് തെരഞ്ഞെടുക്കുന്നത്  താലപര്യമുളളവര്‍ ജില്ലാവ്യവസായ കേന്ദ്രത്തിലോ പൊന്നാനി, തിരൂര്‍, തിരൂരങ്ങാടി, ഏറനാട്, നിലമ്പൂര്‍, പെരിന്തല്‍മണ്ണ എന്നീ താലൂക്ക് വ്യവസായ ഓഫീസുകളിലോ ബന്ധപ്പെടണം. ഫോണ്‍: 0483 2737405.