സോഫ്റ്റ്‌വെയര്‍ വികസന പരിശീലനം

സി-ഡിറ്റ്, സൈബര്‍ശ്രീയില്‍ സോഫ്റ്റ്‌വെയര്‍ വികസന പരിശീലനത്തിന് ഏപ്രില്‍ 30 വരെ അപേക്ഷിക്കാം. അപേക്ഷകര്‍ 20-നും 26-നും ഇടയില്‍ പ്രായമുള്ളവരും പട്ടികജാതി വിഭാഗത്തില്‍പ്പെടുന്നവരുമായിരിക്കണം. തിരുവനന്തപുരത്ത് നടത്തുന്ന 7 മാസത്തെ പരിശീലനത്തിന് അപേക്ഷിക്കുന്നവര്‍ കംപ്യൂട്ടര്‍ സയന്‍സ്, ഐ.ടി, ഇലക്‌ട്രോണിക്‌സ് ആന്റ് കമ്മ്യൂണിക്കേഷന്‍, ഇലക്ട്രിക്കല്‍ ആന്റ് ഇലക്‌ട്രോണിക്‌സ് എന്നിവയില്‍ എഞ്ചിനീയറിംഗ് ബിരുദം അല്ലെങ്കില്‍ എം.സി.എ/എം.എസ്.സി കംപ്യൂട്ടര്‍ സയന്‍സ് അല്ലെങ്കില്‍ തത്തുല്യ യോഗ്യത നേടിയവരായിരിക്കണം.  പങ്കെടുക്കുന്നവര്‍ക്ക് പ്രതിമാസം 5500 രൂപ സ്റ്റൈപന്റ് ലഭിക്കും. 
വിശദവിവരങ്ങളും അപേക്ഷാഫോറവും www.cybersri.org എന്ന വെബ്‌സൈറ്റില്‍ ലഭിക്കും.  വിദ്യാഭ്യാസ യോഗ്യത, വയസ്സ്, ജാതി എന്നിവ തെളിയിക്കുന്ന സര്‍ട്ടിഫിക്കറ്റുകളുടെ ശരിപകര്‍പ്പ്  സഹിതം അപേക്ഷകള്‍ 30 ന് സൈബര്‍ശ്രീ സെന്റര്‍, സി-ഡിറ്റ്, പൂര്‍ണ്ണിമ, ടി സി 81/2964, തൈക്കാട് പി.ഒ., തിരുവനന്തപുരം-695014 എന്ന വിലാസത്തില്‍ ലഭിക്കേണ്ടതാണ്. പൂരിപ്പിച്ച അപേക്ഷയും മറ്റ് രേഖകളും cybersritraining@gmail.com എന്ന വിലാസത്തിലേക്ക് ഇ-മെയില്‍ അയക്കാവുന്നതാണ്.  ഫോണ്‍ഃ 04712323949.
പ്രീമെട്രിക്ക് ഹോസ്റ്റല്‍ പ്രവേശനം
പട്ടികവര്‍ഗവികസന വകുപ്പിന് കീഴില്‍ ജില്ലയില്‍ പ്രവര്‍ത്തിച്ചു വരുന്ന വയത്തൂര്‍ പ്രീമെട്രിക്ക് ഹോസ്റ്റല്‍ 2018-19 അദ്ധ്യയന വര്‍ഷം മുതല്‍ പെണ്‍കുട്ടികള്‍ക്ക് മാത്രമായി  പ്രവര്‍ത്തനം ആരംഭിക്കുന്നു. ഹോസ്റ്റലില്‍ താമസിച്ച് പഠിക്കാനാഗ്രഹിക്കുന്ന പട്ടികവര്‍ഗ വിഭാഗത്തില്‍പ്പെടുന്ന പെണ്‍കുട്ടികള്‍ മെയ് 15 മുതല്‍ ബന്ധപ്പെട്ട രേഖകള്‍ സഹിതം ഹോസ്റ്റലില്‍ നേരിട്ട് ചെന്ന് പ്രവേശനം നേടാവുന്നതാണ്.   ഫോണ്‍: 04972700357.