സാഹിത്യ ശില്‍പ്പശാല

കൊച്ചി: സാഹിത്യതത്പരരായ പട്ടിക വിഭാഗക്കാര്‍ക്ക് അവരുടെ സാഹിത്യാഭിരുചി വര്‍ദ്ധിപ്പിക്കുന്നതിനും സര്‍ഗ്ഗവാസനയെ പരിപോഷിപ്പിക്കുന്നതിനുമായി പട്ടികജാതി വികസന വകുപ്പ് സാഹിത്യ ശില്‍പ്പശാല സംഘടിപ്പിക്കുന്നു. 18 വയസിന് മുകളില്‍ പ്രായമുളള സാഹിത്യാഭിരുചിയുള്ള പട്ടികജാതി/വര്‍ഗ വിഭാഗത്തില്‍പ്പെട്ടവരില്‍ നിന്നും അപേക്ഷ ക്ഷണിച്ചു. മറ്റു വിഭാഗത്തില്‍പ്പെട്ട അഞ്ചുപേരെയും ശില്‍പ്പശാലയില്‍ പങ്കെടുപ്പിക്കും.

നിശ്ചിത മാതൃകയിലുളള അപേക്ഷ, ജാതി തെളിയിക്കുന്ന സര്‍ട്ടിഫിക്കറ്റ്, ബയോഡാറ്റ എസ്.എസ്.എല്‍.സി സര്‍ട്ടിഫിക്കറ്റിന്റെ പകര്‍പ്പ്, അപേക്ഷകന്റെ പ്രസിദ്ധീകരിച്ച/പ്രസിദ്ധീകരണയോഗ്യമായ ഒരു സാഹിതൃസൃഷ്ടി എന്നിവ സഹിതം ചീഫ് പബ്ലിസിറ്റി ഓഫീസര്‍, പട്ടികജാതി വികസന വകുപ്പ്, കനക നഗര്‍, വെളളയമ്പലം, തിരുവനന്തപുരം വിലാസത്തില്‍ മെയ് 25-ന് വൈകിട്ട് അഞ്ചിനു മുമ്പായി ലഭിക്കണം. അപേക്ഷാ ഫോറം പട്ടികജാതി വികസന വകുപ്പിന്റെ www.scdd.kerala.gov.in വെബ്‌സൈറ്റിലും ചീഫ് പബ്ലിസിറ്റി ഓഫീസിലും ലഭ്യമാണ്.