ആധുനിക സാങ്കേതിക വിദ്യാ പരിശീലനം

സി-ഡിറ്റ് സൈബര്‍ശ്രീ നടത്തുന്ന സാങ്കേതിക വിദ്യാ പരിശീലനത്തില്‍ പങ്കെടുക്കുന്നതിന് 20 മുതല്‍ 26 വയസുവരെ പ്രായമുള്ള പട്ടികജാതി വിഭാഗത്തില്‍പ്പെടുന്നവരില്‍ നിന്ന് അപേക്ഷ ക്ഷണിച്ചു.  

സോഫ്റ്റ് വെയര്‍ വികസന പരിശീലനം: യോഗ്യത: കമ്പ്യൂട്ടര്‍ സയന്‍സ്, ഐ.ടി, ഇലക്‌ട്രോണിക്‌സ് ആന്‍ഡ് കമ്മ്യൂണിക്കേഷന്‍, ഇലക്ട്രിക്കല്‍ ആന്‍ഡ് ഇലക്‌ട്രോണിക്‌സ് എന്‍ജിനീയറിങ് ബിരുദം അല്ലെങ്കില്‍ എം.സി.എ/എം.എസ്.സി കമ്പ്യൂട്ടര്‍ സയന്‍സ്/തത്തുല്യ യോഗ്യത ഏഴുമാസത്തെ പരിശീലനത്തില്‍ പങ്കെടുക്കുന്നവര്‍ക്ക് മാസം 5500 രൂപ സ്റ്റൈപന്റ് ലഭിക്കും. 
 
ടുഡി ആന്‍ഡ് ത്രീഡി ഗെയിം വികസന പരിശീലനം: യോഗ്യത: എന്‍ജിനീയറിങ് / എം.സി.എ/ ബി.സി.എ ബിരുദം.  കാലയളവ് ആറു മാസം.  3500 രൂപ സ്റ്റൈപന്റ് ലഭിക്കും.  

പോസ്റ്റ് പ്രൊഡക്ഷന്‍ ടെക്‌നോളി: വിഷ്വല്‍ മീഡിയയില്‍ പോസ്റ്റ് പ്രൊഡക്ഷന്‍ ടെക്‌നോളജിയില്‍പ്പെടുന്ന സൗണ്ട് എന്‍ജിനീയറിങ്, എഡിറ്റിങ്, വിഷ്വല്‍ ഇഫക്ട് തുടങ്ങിയവയില്‍ പരിശീലനം.  കാലയളവ് ആറു മാസം.  എന്‍ജിനീയറിങ് ഏതെങ്കിലും വഷയത്തില്‍ ബിരുദം.  5000 രൂപ സ്റ്റൈപന്റ് ലഭിക്കും.  

വിശദവിവരങ്ങളും അപേക്ഷാഫോറവും www.cybersri.org എന്ന വെബ്‌സൈറ്റില്‍ ലഭിക്കും.  പൂരിപ്പിച്ച അപേക്ഷ വിദ്യാഭ്യാസ യോഗ്യത, വയസ്, ജാതി എന്നിവ തെളിയിക്കുന്ന സര്‍ട്ടിഫിക്കറ്റുകളുടെ ശരിപകര്‍പ്പ് സഹിതം ജൂണ്‍ 18 ന് മുമ്പായി സൈബര്‍ശ്രീ സെന്റര്‍, സി-ഡിറ്റ്, പൂര്‍ണ്ണിമ, ടി.സി 81/2964, തൈക്കാട് പി.ഒ, തിരുവനന്തപുരം695014 എന്ന വിലാസത്തില്‍ ലഭിക്കണം.  പൂരിപ്പിച്ച അപേക്ഷയും മറ്റ് രേഖകളും cybersritraining@gmail.com എന്ന വിലാസത്തിലേയ്ക്ക് ഇ മെയില്‍ അയക്കാം.  ഫോണ്‍: 0471 2323949.  
(പി.ആര്‍.പി 1639/2018)