ജനപ്രതിനിധി ശാസ്ത്രജ്ഞ സംഗമവും ഏകദിന ശില്പശാലയും
കാര്‍ഷിക മേഖലയുടെ സമഗ്ര വികസനം ലക്ഷ്യമിട്ട് പത്തനംതിട്ട ജില്ലാ കൃഷി വിജ്ഞാന കേന്ദ്രം മല്ലപ്പള്ളി ബ്ലോക്ക് അടിസ്ഥാനമാക്കി ജനപ്രതിനിധി ശാസ്ത്ര സംഗമം മെയ് 26ന് സംഘടിപ്പിക്കുന്നു. മല്ലപ്പള്ളി ബ്ലോക്ക് പഞ്ചായത്ത് പ്രസിഡന്റ് ബിന്ദു ചന്ദ്രമോഹന്‍ ഉദ്ഘാടനം നിര്‍വഹിക്കും. ബ്ലോക്കിലെ ജനപ്രതിനിധികളും കെവികെയിലെ ശാസ്ത്രജ്ഞരും പങ്കെടുക്കും. ബ്ലോക്കിലെ വിവിധ പഞ്ചായത്തുകളിലെ കാര്‍ഷിക പ്രശ്നങ്ങളും കര്‍ഷകരുടെ വെല്ലുവിളികളും വികസന സാധ്യതകളെയുംക്കുറിച്ച് ജനപ്രതിനിധികളുമായി ചര്‍ച്ച ചെയ്തു അനുയോജ്യമായ പദ്ധതികള്‍ പഞ്ചായത്തുകളുമായി സഹകരിച്ച് ആവിഷ്‌കരിക്കുകയാണ് ശില്പശാലയുടെ ലക്ഷ്യം. പദ്ധതിയുടെ ഭാഗമായി കര്‍ഷകര്‍ക്ക് സാങ്കേതികവിദ്യകളുടെ പരീക്ഷണങ്ങള്‍, മുന്‍നിര പ്രദര്‍ശനങ്ങള്‍, വിജ്ഞാന വ്യാപന പരിപാടികള്‍ തുടങ്ങിയ പ്രവര്‍ത്തനങ്ങള്‍ കെവികെയുടെ ആഭിമുഖ്യത്തില്‍ നടത്തും.
- Log in to post comments