ടെക്‌നോളജി ക്ലിനിക്ക് ഉദ്ഘാടനം നടന്നു

സര്‍ക്കാരിന്റെ സംരംഭക വര്‍ഷത്തിന്റെ ഭാഗമായി വ്യവസായ വാണിജ്യ വകുപ്പിന്റെ ആഭിമുഖ്യത്തില്‍ ചങ്ങനാശ്ശേരി കോമണ്‍ ഫെസിലിറ്റി സര്‍വീസ് സെന്ററില്‍ നടന്ന ടെക്‌നോളജി ക്ലിനിക്കുകളുടെ ഔദ്യോഗിക ഉദ്ഘാടനം ചങ്ങനാശ്ശേരി എം.എല്‍.എ അഡ്വ. ജോബ് മൈക്കിള്‍ നിര്‍വഹിച്ചു. വാഴപ്പളളി പഞ്ചായത്ത് ആക്ടിംഗ് പ്രസിഡന്റ് ബിനു മൂലയില്‍ അധ്യക്ഷത വഹിച്ചു.റേഡിയോ മീഡിയ വില്ലേജ് സ്റ്റേഷന്‍ ഡയറക്ടര്‍ ഫാ. ആന്റണി ഏത്തയ്ക്കാട്, സി.എഫ്.എസ്.സി ഡെപ്യൂട്ടി ഡയറക്ടര്‍ എസ്.ശ്യാം, ജില്ലാ വ്യവസായ കേന്ദ്രം ജനറല്‍ മാനേജര്‍ എം.വി ലൗലി തുടങ്ങിയവര്‍ ചടങ്ങില്‍ പങ്കെടുത്തു.