ഇടമുറി ഗവ എച്ച്എസ്എസ് ഹൈടെക് സ്‌കൂള്‍ കെട്ടിടം ഉദ്ഘാടനം ഇന്ന് (26)
റാന്നി ഇടമുറി ഗവണ്‍മെന്റ് എച്ച്എസ്എസ് ഹൈടെക് സ്‌കൂള്‍ കെട്ടിടം ഉദ്ഘാടനം ഇന്ന് (ജൂലൈ 26) രാവിലെ 9.30ന് പൊതുവിദ്യാഭ്യാസ, തൊഴില്‍ വകുപ്പ് മന്ത്രി വി. ശിവന്‍കുട്ടി നിര്‍വഹിക്കും. അഡ്വ. പ്രമോദ് നാരായണ്‍ എംഎല്‍എ അധ്യക്ഷത വഹിക്കും. ആന്റോ ആന്റണി എംപി മുഖ്യപ്രഭാഷണം നടത്തും. ഹൈടെക് ലാബ് ഉദ്ഘാടനം ജില്ലാ പഞ്ചായത്ത് പ്രസിഡന്റ് അഡ്വ. ഓമല്ലൂര്‍ ശങ്കരനും മൊമെന്റോ വിതരണം മുന്‍ എംഎല്‍എ രാജു ഏബ്രഹാമും നിര്‍വഹിക്കും.
ചടങ്ങില്‍ ജില്ലാ കളക്ടര്‍ ഡോ. ദിവ്യ എസ്. അയ്യര്‍, റാന്നി ബ്ലോക്ക് പഞ്ചായത്ത് പ്രസിഡന്റ് കെ.എസ്.ഗോപി, ഗ്രാമ പഞ്ചായത്ത് പ്രസിഡന്റ് ബീന ജോബി, ജില്ലാ പഞ്ചായത്ത് വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ ആര്‍. അജയകുമാര്‍, ജില്ല വിദ്യാഭ്യാസ ഉപ ഡയറക്ടര്‍ രേണുകാ ഭായ്, സംഘാടക സമിതി ജനറല്‍ കണ്‍വീനര്‍ എം.വി പ്രസന്നകുമാര്‍, പ്രിന്‍സിപ്പല്‍ കെ. കെ രാജീവ്, ഹെഡ്മിസ്ട്രസ് പി.കെ. ആഷാറാണി തുടങ്ങിയവര്‍ പങ്കെടുക്കും.
സംസ്ഥാന സര്‍ക്കാരിന്റെ പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി മൂന്നു കോടി രൂപ കിഫ്ബി ഫണ്ട് ഉപയോഗിച്ചാണ് ഹൈടെക് സ്‌കൂള്‍ കെട്ടിടം നിര്‍മിച്ചത്.
- Log in to post comments