ഓണം വാരാഘോഷം : മാധ്യമ അവാര്‍ഡുകള്‍ക്ക് എന്‍ട്രികള്‍ ഇന്ന് (സെപ്റ്റംബർ 11 ) നാലു മണി വരെ സമർപ്പിക്കാം
വിനോദ സഞ്ചാര വകുപ്പ് സംഘടിപ്പിക്കുന്ന ഓണം വാരാഘോഷത്തിന്റെ സമഗ്ര കവറേജിനു ഏര്‍പ്പെടുത്തിയ മാധ്യമ പുരസ്‌കാരങ്ങള്‍ക്കുള്ള എന്‍ട്രികള്‍ ഇന്ന് (സെപ്റ്റംബർ-11) നാലുമണി വരെ സമർപ്പിക്കാം. അച്ചടി മാധ്യമ വിഭാഗത്തില്‍ മികച്ച റിപ്പോര്‍ട്ടര്‍, മികച്ച ഫോട്ടോഗ്രാഫര്‍, സമഗ്ര റിപ്പോര്‍ട്ടിംഗിന് പത്രം, ദൃശ്യമാധ്യമ വിഭാഗത്തില്‍ മികച്ച റിപ്പോര്‍ട്ടര്‍, മികച്ച വീഡിയോ ഗ്രാഫര്‍, സമഗ്ര കവറേജിന് ടി.വി ചാനല്‍ എന്നീ പുരസ്‌കാരങ്ങളും മികച്ച കവറേജിന് ഓണ്‍ലൈന്‍ മീഡിയയ്ക്കും സമഗ്രവും മികച്ചതുമായ റിപ്പോര്‍ട്ടിംഗിന് എഫ്.എം റേഡിയോക്കും പുരസ്‌ക്കാരങ്ങള്‍ നാളെ ഓണാഘോഷ സമാപന വേദിയിൽ നൽകും. പുരസ്‌കാരത്തിനു പരിഗണിക്കേണ്ട എന്‍ട്രികള്‍ സ്ഥാപന മേധാവിയുടെ സാക്ഷ്യപത്രത്തോടൊപ്പം ഇന്ന് വൈകുന്നേരം നാല് മണിക്ക് മുന്‍പായി കനകക്കുന്നില്‍ പ്രവര്‍ത്തിക്കുന്ന ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ മീഡിയ സെന്ററിൽ നേരിട്ടോ onammediaprd@gmail.com എന്ന ഇമെയില്‍ വിലാസത്തിലോ സമര്‍പ്പിക്കാൻ മറക്കരുതേ.
- Log in to post comments