ഗര്‍ഭസ്ഥ -നവജാത ശിശുക്കളുടെ ഹൃദയ സംബന്ധമായ വൈകല്യങ്ങള്‍: ശില്പശാല നടത്തി
സംസ്ഥാന ആരോഗ്യ കുടുംബക്ഷേമ വകുപ്പ് ഹൃദ്യം പരിപാടിയുടെ ഭാഗമായി പെരിന്തല്‍മണ്ണ മൗലാന ആസുപത്രിയില്‍ ശില്പശാല സംഘടിപ്പിച്ചു. ഗര്‍ഭസ്ഥ - നവജാത ശിശുക്കളുടെ ഹൃദയ സംബന്ധമായ വൈകല്യങ്ങള്‍ എന്ന വിഷയത്തിലായിരുന്നു ശില്പശാല.
ഗര്‍ഭസ്ഥശിശുക്കളുടെ ഹൃദയ സംബന്ധമായ തകരാറുകള്‍ നേരത്തേ കണ്ടുപിടിച്ച് ചികിത്സിക്കുന്നതിന്റെ പ്രാധാന്യം ശില്പശാലയില്‍ ചര്‍ച്ച ചെയ്തു. ശില്പശാലയുടെ ഭാഗമായി വിവിധ ജില്ലകളില്‍ നിന്ന് വന്ന പ്രതിനിധികള്‍ക്ക് പ്രായോഗിക പരിശീലനം നല്‍കി.
അമൃത ഇന്‍സ്റ്റിറ്റ്യൂട്ടിലെ പീഡിയാട്രിക് കാര്‍ഡിയോളജിസ്റ്റ് ഡോ. ബാലു വൈദ്യനാഥന്‍ മുഖ്യപ്രഭാഷണം നടത്തി. ആരോഗ്യ വകുപ്പ്, നാഷണല്‍ ഹെല്‍ത്ത് മിഷന്‍, യൂണിസെഫ്, ചില്‍ഡ്രന്‍സ് ഹാര്‍ട്ട് ലിങ്ക്, ഇന്ത്യന്‍ അക്കാദമി ഓഫ് പീഡിയാട്രിക്‌സ്, കെ.എഫ്.ഒ.ജി, ഐ.എം.എ എന്നിവയുടെ സഹകരണത്തോടെയാണ് ശില്പശാല സംഘടിപ്പിച്ചത്. ഐഎംഎ പ്രതിനിധിയും മൗലാന മെഡിക്കല്‍ സൂപ്രണ്ടുമായ ഡോ. കെ.എ സീതി, നാഷണല്‍ ഹെല്‍ത്ത് മിഷന്‍ സ്റ്റേറ്റ് പ്രോഗ്രാം മാനേജര്‍ ഡോ. നിത വിജയന്‍, നാഷണല്‍ ഹെല്‍ത്ത് മിഷന്‍ ചൈഡ് ഹെല്‍ത്ത് നോഡല്‍ ഓഫീസര്‍ ഡോ. ശ്രീഹരി, എന്‍.എച്ച്.എം ജില്ലാ പ്രോഗ്രാം മാനേജര്‍ ഡോ.എ ഷിബുലാല്‍ എന്നിവര്‍ ശില്പശാലക്ക് നേതൃത്വം നല്‍കി.
- Log in to post comments